Другі год запар на «Песні года Беларусі» перамагла нявестка Лукашэнкі
2 сакавіка ў Палацы спорту прайшоў канцэрт «Песня года Беларусі», на якім уручалі музычныя прэміі. У намінацыі «Найлепшы аўтар слоў» другі год запар перамагла Ганна Сялук.
Ганна Сялук — творчы псеўданім жонкі Дзмітрыя Лукашэнкі, сярэдняга сына Аляксандра Лукашэнкі. Калі раней пра яе паэтычныя таленты ведалі толькі ў вузкіх колах, то ў апошнія гады яна робіцца ўсё больш публічнай асобай і ўжо, бадай, цвёрда і непахісна заняла пазіцыю галоўнай паэткі-песенніцы лукашэнкаўскай Беларусі.
Мяркуючы па рэестры інтэлектуальнай уласнасці, за тры няпоўныя гады нявестка Лукашэнкі стварыла 106 песень, сярод іх «Ах, Аляксандр», «Бульба-дэнс» і гімн Генеральнай пракуратуры.
Апошнім часам яе творчасць стала атрымліваць і афіцыйнае прызнанне з боку дзяржавы. У канцы мінулага года свёкар Сялук узнагародзіў яе спецыяльнай прэміяй «за вялікі асабісты ўклад у развіццё сучаснага музычнага мастацтва, рэалізацыю сацыяльна значных культурных ініцыятыў».
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары