Музыка1414

«Далась тебе вот эта Польша, в РБ зарплата больше». Штучны інтэлект напісаў прапагандысцкі хіт

Карыстальнікі сацыяльных сетак запісваюць відэа пад песню, якая павінна заахвочваць людзей вяртацца ў Беларусь, каб пабудаваць кватэру і нарадзіць дзяцей. Але гэта не чарговыя радкі Ганны Сялук — здаецца, нявестку Лукашэнкі пераплюнуў штучны інтэлект.

Песня сапраўды гучыць вельмі падобна да таго, што звычайна ствараюць прыдворныя аўтары слоў і кампазітары кшталту Ганны Сялук і Яўгена Алейнікава. Пяшчотныя жаночыя галасы спяваюць:

«Далась тебе вот эта Польша,
В РБ зарплата больше.
И медицина почти что бесплатно,
Возвращайся скорее обратно.

Ты за границей почти что никто,
Пора возвращаться тебе уж давно.
Построить квартиру, детей нарожать,
Не надо было тогда уезжать».

Але адшукаць у гугле інфармацыю пра тое, хто ж напісаў такі эталонны прапагандысцкі хіт і хто яго выконвае, немагчыма. Адкуль жа ён узяўся?

@m_for_mixacb У Беларусі па нядзелях працуе ўсё (нават Акрэсціна) #беларусь #беларускаямова #гумар #польша #biedronka #standup ♬ original sound - Міхась Ільін

Падказка знайшлася ў тыктоку — першым трэк у сацсетку загрузіў беларускі стэндапер Міхась Ільін. Ён распавёў «Нашай Ніве» цікавую гісторыю з’яўлення песні, якую, як высветлілася, і склаў, і праспяваў штучны інтэлект.

— Шчыра кажучы, я сам наткнуўся на гэты трэк выпадкова — ён быў у тэлеграм-канале No Context Belarus. Я таксама спачатку не зразумеў, ці гэта тролінг, ці сапраўды новы хіт прапаганды.

Міхась вырашыў, што будзе смешна выкарыстаць песню для відэа ў сацсетках, бо такія штампы пра жыццё за мяжой дакладна знойдуць водгук у сэрцах мігрантаў.

— Праз некаторы час знаёмыя распавялі мне гісторыю ўзнікнення песні: адзін айцішнік з Беларусі вырашыў пажартаваць са свайго сябра (айцішніка-беларуса, які пераехаў у Польшчу) і з дапамогай штучнага інтэлекту запісаў вось гэты музычны фрагмент.

Стэндапер кажа, што гук стаў папулярным як сярод палітычных эмігрантаў, так і сярод прыхільнікаў рэжыму Лукашэнкі.

— Як чалавек, які загрузіў трэк, я бачу, хто дадае яго ў сваё відэа. Смешна бачыць, што перыядычна яго выкарыстоўваюць у тым ліку і ябацькі. Напрыклад, трэк дадала ў свой рылс кіраўніца БРСМ, здаецца, Магілёўскай вобласці. Я спачатку пасмяяўся, а потым ёй у каментарыях напісаў, што яна выкарыстала песню са старонкі, якая ў Беларусі прызнана экстрэмісцкімі матэрыяламі. Праз паўгадзіны жанчына выдаліла сваё відэа.

Трэба адзначыць, што нават беларускія прапагандысты не вельмі сочаць за тым, якія трэкі выкарыстоўваюць для сваіх відэа. Напрыклад, відэа пад «гімн вымушанай эміграцыі» (песню «Можно я с тобой» беларускага спевака AP$ENT) зрабілі вядучая СТБ Кацярына Забянько і жонка прапагандыста Ігара Тура. Крыху дзіўна глядзець на тое, як Тур з'язджае ў камандзіроўку з Лукашэнкам пад песню, прысвечаную ўцёкам з Беларусі.

Каментары14

  • Кот Васіль
    14.06.2024

    У
    Тура і яго жонкі ўсё яшчэ наперадзе)
    Як той казаў: "чамадан, вакзал... а
    можна я с табой"
  • Спяваючая кабылка
    14.06.2024
    Лашадка спявае.
  • Нефанатка
    14.06.2024
    То чувство, когда ИИ оказался талантливее невестки Лукашенки😂 хотя не сильно сложно быть талантливее графоманки Селук

Цяпер чытаюць

60‑гадовая п’яная беларуска ператварыла палёт з Парыжа ў Вільню ў кашмар3

60‑гадовая п’яная беларуска ператварыла палёт з Парыжа ў Вільню ў кашмар

Усе навіны →
Усе навіны

Дзяўчыну-псіхолага з лагапедычнага цэнтра кінулі за краты за ўваходжанне ў склад нейкага «экстрэмісцкага фарміравання»6

Еўрапейцы куплялі ў Кітаі ўсё, цяпер пачалі купляць і аўтамабілі. Прамысловасць Германіі абвалілася да ўзроўню 2005 года32

Азаронак: Трэба адмяняць да ядрэні фені ўсялякія выбары52

Беларускі дызайнер прадае звычайны камень з Нарачы за $20001

Беларускія дальнабойшчыкі ўсё часцей выбіраюць для працы Германію замест Польшчы і Літвы. Расказваюць пра заробкі10

Колькі сяброў можа быць у чалавека ў эпоху сацсетак? Навуковец падлічыў4

«Раней Марзалюк выступаў у калоніі, што экстрэмісты — ворагі народу. А апошні раз — што трэба ўмець дараваць»10

11‑гадовую школьніцу з Брэста збілі за парушэнне правілаў гульні2

Ізраіль і ХАМАС падпісалі дамоўленасці ў межах першага этапу мірнага плана

больш чытаных навін
больш лайканых навін

60‑гадовая п’яная беларуска ператварыла палёт з Парыжа ў Вільню ў кашмар3

60‑гадовая п’яная беларуска ператварыла палёт з Парыжа ў Вільню ў кашмар

Галоўнае
Усе навіны →

Заўвага:

 

 

 

 

Закрыць Паведаміць