Культура3636

Гэта песня насмяшыла беларускі інтэрнэт. Але яшчэ цікавей тое, хто яе напісаў

Малавядомы спявак Дзмітрый Азаранка выпусціў песню «Беларуская жонка». Прэзентаваць яе ён прыйшоў адразу на БТ, дзе вельмі нахвальвалі аўтарку слоў.

Скрыншот «Беларусь 4»

«Белорусская жена 
Своим принципам верна:
Она рубит, сеет, пашет
И не жалуется даже.

И красива — загляденье, 
И готовит — объеденье.
Белорусская жена
Лучше всех других она», — такі прыпеў гэтай песні. 

Дзмітрый Азаранка — музыка, вядучы і рэжысёр-пастаноўшчык Магілёўскага гарадскога цэнтра культуры і забавы. Кажа, што халасты.

Ён нарадзіўся ў Магілёве. Там жа пачынаў сваю кар'еру і працягвае выступаць. Напрыклад, 7 сакавіка ў Дзмітрыя будзе канцэрт. Кошт квіткоў — 10 і 15 рублёў. 

Раней «Веснік Магілёва» пра адзін з яго канцэртаў пісаў, што «таленавіты малады выканаўца радаваў публіку музычнымі кампазіцыямі пра каханне, размаўляў з гледачамі, часта спускаўся ў зал, каб запрасіць на танец прыхільніц розных узростаў».

Музыку да яго новай песні напісаў магілёўскі кампазітар Сяргей Папасаў.

А словы — Ганна Сялук. Гэта творчы псеўданім Ганны Сяргееўны Лукашэнка — нявесткі Аляксандра Лукашэнкі, якая нарадзілася ў Шклове.

Яе асобу раней раскрыў Сяргей Чалы ў расследаванні. За два гады яна паспела напісаць песні для МУС, МНС, арміі і нават гімн пракуратуры. А таксама трэкі «Ах, Аляксандр» і «Бульба-дэнс».

Кампазіцыі на яе словы выконваюць Юлія Быкава, Анатоль Ярмоленка, Алена Ланская, Ірына Дарафеева, Руслан Аляхно, Аляксандр Саладуха, Аляксандра Гайдук, Зінаіда Фурор.

Сама «Сялук» непублічная, але ў інтэрв'ю таго ж выканаўцы «Беларускай жонкі» першай справай пытаюцца не пра яго, а пра аўтарку слоў.

«Яна паглядзела мяне ў інстаграме, сказала: «Ты такі вясёлы, актыўны. Давай паглядзім з табой вясёленькае штосьці для тэмы песні». На наступны дзень у мяне ўжо ляжаў тэкст», — расказаў Азаранка.

Вядучы БТ рассыпаў у адрас Сялук нямала кампліментаў.

Чытайце таксама:

Доктар Марыярці беларускай эстрады. Вы не паверыце, хто піша патрыятычныя песні для дзяржТБ і карпаратываў сілавікоў

«Ах, Аляксандр, любая з ім пойдзе ў агонь і ваду». Маладая спявачка прысвяціла песню Лукашэнку

Naviband і ўкраінская спявачка Tayanna запісалі песню на беларускай і ўкраінскай мовах ВІДЭА

Каментары36

  • Ольга
    01.02.2023
    Когда в школе стало меньше математики и иностранного, чаще стала появляться вот такая рвотная масса.
  • Алек. Ру
    01.02.2023
    Ціфу, усё, да чаго дакрануцца ўсе лукашэнкі ,поўнае л***.
  • Брэст сіла
    01.02.2023
    А ганарарчыкі кап-кап

Цяпер чытаюць

Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку

Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку

Усе навіны →
Усе навіны

Памёр апошні з братоў Бельскіх, якія партызанілі ў Налібоцкай пушчы33

Групу берасцейцаў асудзілі за раздрабненне бізнэсу9

У Беларусі неўраджай яблыкаў8

«Таму без усялякай крыўды». Лукашэнка даручыў Галоўчанку сачыць за працаю Турчына3

Польшча адкрывае мяжу з Беларуссю70

Дроны над пляжам, груз 200 і не працуе GPS. Як беларусы сёлета адпачывалі ў Крыме6

Вікторыя Азаранка прыляцела ў Мінск. Яе з сынам заўважылі на трыбунах «Мінск-Арэны» ФОТАФАКТ4

Байсол: Сродкі з экстраннага збору будуць выплачаныя палітвязням цалкам9

У расійскай школе, што абвалілася на вачах у людзей, у той дзень павінны былі вучыцца разбіраць аўтамат, але ніхто не прыйшоў1

больш чытаных навін
больш лайканых навін

Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку

Пад ціскам мужа Святлана Ціханоўская адмяніла інтэрв'ю CNN і працягнула размову з беларусамі ў Нью-Ёрку

Галоўнае
Усе навіны →

Заўвага:

 

 

 

 

Закрыць Паведаміць