Прадпрыемствы па аказанні паслуг сотавай электрасувязі заключаць пагадненне з Міністэрствам антыманапольнага рэгулявання і гандлю, якім павышэнне тарыфаў не прадугледжана, паведамляе прэс-служба МАРГ.
Рашэнне прынята па выніках сустрэчы 29 студзеня пад старшынствам міністра антыманапольнага рэгулявання і гандлю Артура Карповіча і міністра сувязі і інфарматызацыі Канстанціна Шульгана. У ёй узялі ўдзел прадстаўнікі аператараў A1, і МТС, а таксама РУП «Белтэлекам».
Бакі абмеркавалі
«праблемы, якія ўзнікаюць на спажывецкім рынку, у тым ліку ў насельніцтва, падключэнне аператарамі сотавай сувязі рэкламных паслуг без ведама спажыўцоў, якасць сувязі пры правядзенні буйных масавых мерапрыемстваў, асноўныя прынцыпы тарыфнай палітыкі».
Перад гэтым, у маі 2024 года, Эканамічны суд Мінска аштрафаваў кампанію А1 за завышаныя цэны на паслугі мабільнай сувязі па ч. 3 арт. 13.2 КаАП (парушэнне ўстаноўленага парадку ўстанаўлення (фарміравання) і (або) прымянення цэн (тарыфаў).
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары