«Белтэлекам» папярэдзіў пра актывізацыю махляроў. Яны ад імя прадпрыемства прапануюць пасіўны заробак нібыта на інвестыцыйнай платформе, паведамілі на прадпрыемстве.
Ашуканская схема дзейнічае на YouTube. У рэкламе зламыснікі прапануюць праз інвестплатформу прадпрыемства «новыя магчымасці для заробку». Для гэтага трэба перайсці па фэйкавай спасылцы.
У «Белтэлекаме» падкрэслілі, што не маюць ніякага дачынення да гэтага рэсурсу, які падманным шляхам спрабуе завабіць ахвяр.
На прадпрыемстве адзначаюць, што не варта пераходзіць па падазроных спасылках, перадаваць асабістыя даныя і пералічваць грошы. Актуальную інфармацыю аб паслугах можна знайсці на афіцыйным сайце або ўдакладніць па нумары 123.
Каментары