Віцебская бухгалтарка перавяла сабе на картку больш за 270 тысяч рублёў. Праўда, не для сябе
У Віцебску галоўная бухгалтарка прадпрыемства, якое займаецца абслугоўваннем і рамонтам аўтамабіляў, незаконна перавяла сабе на картку больш за 270 000 рублёў.
Фота ілюстрацыйнае
Як паведамілі ў прэс-службе МУС, 32-гадовая жанчына рабіла гэта з-за знаёмага, 38-гадовага мясцовага жыхара, які нібыта прасіў грошы на дапамогу сваякам.
На самой справе мужчына траціў гэтыя грошы ў казіно. Але па ягонай просьбе жанчына нават афармляла на працу фіктыўных работнікаў і забірала іх «заробкі» сабе.
Такім чынам, за год прадпрыемству былі нанесеныя страты на суму больш за 270 тысяч рублёў.
У дачыненні да жанчыны завялі крымінальную справу за крадзеж шляхам злоўжывання службовымі паўнамоцтвамі ў асабліва буйным памеры. Яе можа чакаць да 12 гадоў пазбаўлення волі.
Чытайце таксама:
Беларусам могуць забараніць гуляць у замежных анлайн-казіно
Беларускі IT-мільянер Гурскі: Маю першую жонку забіў гемблер
У Мінску злодзей узломваў сейфы, каб гуляць у казіно
Дзяўчына папрасіла ў казіно больш яе не пускаць, а яе адправілі ў падатковую