Аляксандр Лукашэнка запатрабаваў забараніць банкам прымаць плацяжы фізічных асоб на карысць замежных арганізатараў азартных гульняў. Такое даручэнне ён даў сёння, 29 мая, на нарадзе з кіраўніцтвам Савета Міністраў, піша БелТА.
Адна з тэм нарады была ігральны бізнэс.
«Па-першае, пры наяўнасці віртуальных устаноў патрабуецца страхоўка, каб не дапусціць удзелу ў гульні дзяцей і недзеяздольных грамадзян. Па-другое, такія забавы павінны быць даступныя толькі плацежаздольным людзям. Карацей, мы ж не першы раз ужо сутыкаемся з гэтым пытаннем, а ў Беларусі ўсё гэта цвіце. Цвіце і пахне, як у народзе кажуць. Ёсць досвед нашай працы па ігральным бізнесе, і, зыходзячы з гэтага досведу, давайце адрэгулюем канчаткова ўсе правілы, — сказаў Лукашэнка.
«Колькі мы ведаем прыкладаў, калі, дапусцім, (лудаман) не можа спыніцца і бар’ераў для яго няма. Набірае даўгі, крэдыты, прадае маёмасць. Пакутуе сам, сям’я і грамадства. Некаторыя людзі на гэта звяртаюць увагу», — дадаў Лукашэнка.
Ён таксама заявіў аб неабходнасці ўвесці ў ігральных установах мараторый на гульню ў доўг.
«А можа, і даць права членам сям’і ўводзіць забарону на гульню чалавеку залежнаму. Тым больш што грошы ад прайграных кватэр і машын сыходзяць замежным арганізатарам азартных гульняў, а вось гэта ўжо прынцыповае пытанне. Хацелася б ведаць, як прапануецца вырашыць гэтае пытанне, — падкрэсліў Лукашэнка. — Трэба забараніць увогуле для пачатку банкам ажыццяўляць такія пераводы за межы краіны. Грошы, заробленыя тут, павінны інвеставацца ў краіну. Гэта тычыцца ўсіх напрамкаў працы. Прашу дакласці, як у падрыхтаваным праекце ўказа ўлічваюцца гэтыя адчувальныя пытанні».
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Трэба забараніць увогуле для пачатку банкам ажыццяўляць такія пераводы за межы краіны. Грошы, заробленыя тут, павінны інвеставацца ў краіну. Гэта тычыцца ўсіх напрамкаў працы.»
Прамым тэкстам кажа: грошы павінны інвеставацца ў / прайгравацца мясцовым беларускім арганізатарам азартных гульняў, якіх "крышует" і адкуль атрымлівае частку даходу.