Viciebskaja buchhałtarka pieraviała sabie na kartku bolš za 270 tysiač rubloŭ. Praŭda, nie dla siabie
U Viciebsku hałoŭnaja buchhałtarka pradpryjemstva, jakoje zajmajecca absłuhoŭvańniem i ramontam aŭtamabilaŭ, niezakonna pieraviała sabie na kartku bolš za 270 000 rubloŭ.
Fota ilustracyjnaje
Jak paviedamili ŭ pres-słužbie MUS, 32-hadovaja žančyna rabiła heta z-za znajomaha, 38-hadovaha miascovaha žychara, jaki nibyta prasiŭ hrošy na dapamohu svajakam.
Na samoj spravie mužčyna traciŭ hetyja hrošy ŭ kazino. Ale pa jahonaj prośbie žančyna navat afarmlała na pracu fiktyŭnych rabotnikaŭ i zabirała ich «zarobki» sabie.
Takim čynam, za hod pradpryjemstvu byli naniesienyja straty na sumu bolš za 270 tysiač rubloŭ.
U dačynieńni da žančyny zaviali kryminalnuju spravu za kradziež šlacham złoŭžyvańnia słužbovymi paŭnamoctvami ŭ asabliva bujnym pamiery. Jaje moža čakać da 12 hadoŭ pazbaŭleńnia voli.
Čytajcie taksama:
Biełarusam mohuć zabaranić hulać u zamiežnych anłajn-kazino
Biełaruski IT-miljanier Hurski: Maju pieršuju žonku zabiŭ hiembler
U Minsku złodziej uzłomvaŭ siejfy, kab hulać u kazino
Dziaŭčyna paprasiła ŭ kazino bolš jaje nie puskać, a jaje adpravili ŭ padatkovuju