У Белым доме пракаментавалі ўкраінскую спецаперацыю «Павуцінне»
Прэс-сакратарка Белага дома Кэралайн Лівіт расказала, якой была рэакцыя прэзідэнта ЗША Дональда Трампа на навіну пра паспяховыя ўкраінскія ўдары па расійскіх аэрадромах са знішчэннем і пашкоджаннем стратэгічнай авіяцыі.
Прэзідэнт ЗША Дональд Трамп. Фота: Joe Raedle / Getty Images
«Рэакцыя [Трампа] заключаецца ў тым, што гэтай вайне трэба пакласці канец. Гэтая вайна была жорсткай з абодвух бакоў, і занадта шмат людзей загінула. Прэзідэнт хоча, каб гэтая вайна скончылася за сталом перамоў, і ён ясна даў гэта зразумець абодвум лідарам як публічна, так і ў прыватным парадку», — заявіла Кэралайн Лівіт.
Яна дадала, што Трамп гатовы да сустрэчы з Уладзімірам Зяленскім і Уладзімірам Пуціным, але аддае перавагу таму, каб Украіна і Расія вялі двухбаковыя перамовы.
Чытайце таксама:
Украіна масіравана атакавала расійскія аэрадромы і знішчала бамбардзіровачную авіяцыю
Апублікавалі карту з расійскімі аэрадромамі, якія Украіна планавала атакаваць 1 чэрвеня
У Белым доме не ведалі пра падрыхтоўку Украінай спецаперацыі «Павуцінне»
Зяленскі: У аперацыі «Павуцінне» былі выкарыстаны 117 дронаў