U Biełym domie prakamientavali ŭkrainskuju śpiecapieracyju «Pavucińnie»
Pres-sakratarka Biełaha doma Kerałajn Livit raskazała, jakoj była reakcyja prezidenta ZŠA Donalda Trampa na navinu pra paśpiachovyja ŭkrainskija ŭdary pa rasijskich aeradromach sa źniščeńniem i paškodžańniem stratehičnaj avijacyi.
Prezident ZŠA Donald Tramp. Fota: Joe Raedle / Getty Images
«Reakcyja [Trampa] zaklučajecca ŭ tym, što hetaj vajnie treba pakłaści kaniec. Hetaja vajna była žorstkaj z abodvuch bakoŭ, i zanadta šmat ludziej zahinuła. Prezident choča, kab hetaja vajna skončyłasia za stałom pieramoŭ, i jon jasna daŭ heta zrazumieć abodvum lidaram jak publična, tak i ŭ pryvatnym paradku», — zajaviła Kerałajn Livit.
Jana dadała, što Tramp hatovy da sustrečy z Uładzimiram Zialenskim i Uładzimiram Pucinym, ale addaje pieravahu tamu, kab Ukraina i Rasija viali dvuchbakovyja pieramovy.
Čytajcie taksama:
Ukraina masiravana atakavała rasijskija aeradromy i źniščała bambardzirovačnuju avijacyju
Apublikavali kartu z rasijskimi aeradromami, jakija Ukraina płanavała atakavać 1 červienia
U Biełym domie nie viedali pra padrychtoŭku Ukrainaj śpiecapieracyi «Pavucińnie»
Zialenski: U apieracyi «Pavucińnie» byli vykarystany 117 dronaŭ