«Ён міністр з часоў нараджэння Хрыстовага і яшчэ ні разу не сказаў нічога вартага». Марк Рутэ без дыпламатыі выказаўся пра Сяргея Лаўрова
Генеральны сакратар НАТА Марк Рутэ па просьбе вядучага тэлеканала Fox News пракаментаваў заяву міністра замежных спраў Расіі Сяргея Лаўрова пра нібыта хуткі крах альянсу.
Сярге Лаўроў — у цэнтры. Фота: Adi Weda/Pool Photo via AP
«Што тычыцца Лаўрова — ну, ён міністр замежных спраў Расіі, па-мойму, яшчэ ад нараджэння Хрыстовага, і яшчэ ні разу з яго вуснаў не прагучала нічога вартага. Так што не варта надаваць яго словам вялікага значэння», — сказаў Марк Рутэ.
30 чэрвеня Лаўроў, адказваючы на пытанні журналістаў, назваў павелічэнне бюджэту краін НАТА, пра якое дзяржавы дамовіліся на саміце альянсу, «катастрафічным» і заявіў, што яно «прывядзе да краху гэтай арганізацыі».
Чытайце таксама:
Міністр замежных спраў Арменіі заклікаў Сяргея Лаўрова не ўмешвацца ва ўнутраныя справы Арменіі
Рада Еўропы вырашыла стварыць спецтрыбунал па агрэсіі Расіі супраць Украіны
«Застаецца раўці як бялуга». Рыжанкоў у Маскве расказаў пра поўны крах краін Балтыі
Генсак НАТА адрэагаваў на рашэнне ЗША прыпыніць частку вайсковай дапамогі Кіеву