Генсак НАТА адрэагаваў на рашэнне ЗША прыпыніць частку вайсковай дапамогі Кіеву
Генеральны сакратар НАТА Марк Рутэ у эфіры тэлеканала Fox News выказаў разуменне, што адміністрацыя ЗША імкнецца ў першую чаргу абараніць свае нацыянальныя інтарэсы, але пры гэтым ён заклікаў працягваць вайсковую дапамогу Украіне, паведамляе «Еўрапейская праўда».
Марк Рутэ адзначыў, што Украіна ў найбліжэйшай перспектыве не можа абысціся без усёй магчымай падтрымкі, асабліва калі гаворка ідзе пра боепрыпасы і сістэмы супрацьпаветранай абароны.
Ён нагадаў, што на мінулым саміце НАТА прэзідэнты Украіны і ЗША правялі плённую сустрэчу, у тым ліку абмяркоўвалі пастаўкі сістэм СПА.
Генсак НАТА падкрэсліў, што ЗША павінны клапаціцца пра свае запасы зброі, але таксама павінны быць гнуткімі ў пытаннях падтрымкі Украіны. Паводле слоў Рутэ, перамога Украіны ў вайне — і ў інтарэсах ЗША, бо бяспечная Еўропа азначае і бяспечныя ЗША.
Ён таксама адзначыў, што еўрапейскія краіны павялічваюць свае абаронныя выдаткі і дапамагаюць Украіне, але без практычнай падтрымкі ЗША зрабіць гэта будзе цяжка.
1 ліпеня Белы дом пацвердзіў, што Пентагон прыпыніў пастаўкі некаторых ракет супрацьпаветранай абароны і іншых высокадакладных боепрыпасаў ва Украіну, паколькі ў ЗША баяцца змяншэння запасаў зброі ў сябе.
Украіна пры гэтым заявіла, што не атрымлівала афіцыйных паведамленняў пра прыпыненне або змены ў графіках паставак абароннай дапамогі.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары
Словы зделкі дамовы гаранцыі мемарандумы..ад Штатаў пусты гук.
Эўраўвяз ната...15 год каментую кажу на..вошта нам ната падобная ната.
Ці Беларусь сама сабе Эўропа союз з звяз...поўная