У Мінску збанкрутавала казіно Victoria Cherry
Эканамічны суд Мінска прызнаў банкрутам кампанію «Вікторыя Черы», якая кіравала казіно Victoria Cherry, размешчаным на праспекце Пераможцаў, 59, побач з гатэлем «Вікторыя». Калісьці яно лічылася адным з самых прэстыжных забаўляльных месцаў у горадзе.
Фота ілюстрацыйнае
Паводле матэрыялаў суда, запазычанасць кампаніі склала амаль 2,3 мільёна рублёў, у той час як актывы ацанілі менш чым у 380 тысяч. Заяву аб банкруцтве падаў сам уладальнік.
Казіно адкрылася ў 2015 годзе на месцы былога казіно «Вікторыя», якое таксама не вытрымала фінансавых цяжкасцяў. Там можна было згуляць у амерыканскую рулетку, покер, блэк-джэк і гульнявыя аўтаматы. У найлепшыя часы ў Victoria Cherry было 17 гульнявых сталоў, тры рулеткі і каля 50 аўтаматаў.
Чытайце таксама:
Чаму ў Мінску так шмат рэкламы анлайн-казіно?
Верагоднай прычынай для прыезду Дэрула ў Мінск сталі здымкі для рэкламы катэджаў
Ад 300 000 да 500 000 даляраў. Стала вядома, хто прывёз Джэйсана Дэрула ў Беларусь