Падчас праверкі інтэрнэт-крамы Wildberries супрацоўнікі Міністэрства антыманапольнага рэгулявання і гандлю выявілі тавары з забароненай і «экстрэмісцкай» сімволікай, паведаміла прэс-служба ведамства.
Паводле паведамлення МАРГ, у асартыменце маркетплэйса былі ідэалагічна не адпаведныя вокладкі на беларускія пашпарты, аўтамабільныя налепкі і іншыя прадметы. Што дакладна там было намалявана — не ўдакладняецца, але адзначаецца, што выявы маюць прыкметы «экстрымісцкай атрыбутыкі».
Інфармацыю пра гэта ведамства пераслала сілавікам.
У самім Wildberries паведамілі, што адрэагавалі на сітуацыю: спрэчныя тавары ўжо прыбраныя з вітрыны сайта, а таксама праведзены дадатковы маніторынг на наяўнасць забароненай прадукцыі.
Пляцоўка падкрэсліла, што мае спіс тавараў, забароненых да продажу ў Беларусі, і прадаўцы, прымаючы ўмовы супрацоўніцтва, пацвярджаюць, што іх тавары адпавядаюць заканадаўству. Але адказнасць за тое, што прадаецца, урэшце нясе сам прадавец.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары