Увечары 22 лістапада ў Беразіне адбылося нападзенне з нажом на супрацоўніка міліцыі. На месца выехаў міністр Іван Кубракоў з АМАПам і «Алмазам».
Увечары 22 лістапада ў Беразіне нарад міліцыі, які прыбыў на выклік, заўважыў на вуліцы мужчыну, які падыходзіў пад прыкметы падазраванага, піша МУС. Падчас праверкі дакументаў мужчына раптам дастаў нож і нанёс міліцыянеру некалькі ўдараў. Пасля гэтага ён збег у лес.
На пошукі яго кінулі сілы мясцовага РАУС, УУС Мінаблвыканкама, АМАПа і спецпадраздзялення «Алмаз». На месца здарэння выехаў міністр унутраных спраў Іван Кубракоў.
Пацярпелага міліцыянта даставілі ў Рэспубліканскі шпіталь МУС.
Сёння каля 14:30 пошукі завяршыліся. Мужчына быў знойдзены ў лясным масіве.
Як паведамляла МУС, абвяшчаючы росшук, гэта 47‑гадовы мясцовы жыхар Васіль Малік.
Пры затрыманні, сцвярджае міліцыя, ён аказаў супраціў і пайшоў на міліцыянера з нажом. У яго стралялі.
Пра стан мужчыны не паведамляецца. МУС піша, што яму аказваецца медыцынская дапамога.
Цяпер чытаюць
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця5
Каментары
[Зрэдагавана]
Ранее подобные эксцессы были единичными, с Кубраковым стали обыденностью.