Пад Мядзелам прадаюць праз аўкцыён былы школьны музей
У Мядзельскім раёне на аўкцыён выставілі будынак былога школьнага музея Нарачанскай сярэдняй школы №1. Інфармацыя пра продаж размешчана на пляцоўцы «БУТБ-Маёмасць».
Фота: БУТБ-Маёмасць
Будынак быў пабудаваны ў 1959 годзе. Ён аднапавярховы, драўляны, з прыбудовай. Агульная плошча складае 58,7 квадратнага метра. Сцены зробленыя з бярвення і пафарбаваныя, таксама да аб’екта адносіцца агароджа.
Разам з будынкам новы ўладальнік атрымае зямельны ўчастак плошчай 2,79 соткі. Зямля будзе перададзена пераможцу аўкцыёну ў арэнду на 40 гадоў. Пры неабходнасці можна змяніць мэтавае прызначэнне ўчастка — напрыклад, адкрыць там гатэль, аб’ект грамадскага харчавання, краму або адміністрацыйную ўстанову.
Пры гэтым частка тэрыторыі знаходзіцца ў ахоўнай зоне ліній электраперадачы, што накладае пэўныя абмежаванні на выкарыстанне зямлі.
Пачатковая цана аб’екта складае 3580 рублёў. Аўкцыён запланаваны на 27 сакавіка.
Чытайце таксама:
«Мураванку Храптовічаў» зноў прадаюць з велізарнай зніжкай, усяго за 90 рублёў
У Віцебску здаецца ў арэнду будынак, у якім вучыўся Марк Шагал
У Калінкавічах з аўкцыёна прадалі рынак
Базу адпачынку ў Лагойскім раёне прадалі за паўмільёна даляраў