Pad Miadziełam pradajuć praz aŭkcyjon były školny muziej
U Miadzielskim rajonie na aŭkcyjon vystavili budynak byłoha školnaha muzieja Naračanskaj siaredniaj škoły №1. Infarmacyja pra prodaž raźmieščana na placoŭcy «BUTB-Majomaść».
Fota: BUTB-Majomaść
Budynak byŭ pabudavany ŭ 1959 hodzie. Jon adnapaviarchovy, draŭlany, z prybudovaj. Ahulnaja płošča składaje 58,7 kvadratnaha mietra. Ścieny zroblenyja ź biarvieńnia i pafarbavanyja, taksama da abjekta adnosicca aharodža.
Razam z budynkam novy ŭładalnik atrymaje ziamielny ŭčastak płoščaj 2,79 sotki. Ziamla budzie pieradadziena pieramožcu aŭkcyjonu ŭ arendu na 40 hadoŭ. Pry nieabchodnaści možna źmianić metavaje pryznačeńnie ŭčastka — naprykład, adkryć tam hatel, abjekt hramadskaha charčavańnia, kramu abo administracyjnuju ŭstanovu.
Pry hetym častka terytoryi znachodzicca ŭ achoŭnaj zonie linij elektrapieradačy, što nakładaje peŭnyja abmiežavańni na vykarystańnie ziamli.
Pačatkovaja cana abjekta składaje 3580 rubloŭ. Aŭkcyjon zapłanavany na 27 sakavika.
Čytajcie taksama:
«Muravanku Chraptovičaŭ» znoŭ pradajuć ź vielizarnaj źnižkaj, usiaho za 90 rubloŭ
U Viciebsku zdajecca ŭ arendu budynak, u jakim vučyŭsia Mark Šahał
U Kalinkavičach z aŭkcyjona pradali rynak
Bazu adpačynku ŭ Łahojskim rajonie pradali za paŭmiljona dalaraŭ