У Віцебску здаецца ў арэнду будынак, у якім вучыўся Марк Шагал
На вуліцы Калінава, 1, у Віцебску знаходзіцца ўнікальны аб’ект — будынак былога хедэра (пачатковай школы).
Гэта адзін з нямногіх захаваных помнікаў, якія сведчаць пра шматвяковую прысутнасць яўрэйскай грамады ў горадзе. Каштоўны ён яшчэ і тым, што тут з ранніх гадоў вучыўся мастак Марк Шагал, піша Onliner.by.
Мясцовыя ўлады хочуць, каб у двухпавярховым будынку з’явілася нешта карыснае для людзей. Таму абвясцілі конкурс арандатараў.
Права арэнды будынка прадаецца на пляцоўцы «БУТБ-Маёмасць». Агульная плошча аб’екта — 591 кв. м. Гэта значыць, што можна разгарнуцца і размясціць на паверхах што заўгодна. Арэнда абыдзецца ў 1791,18 рубля ў месяц. Але за гэтую магчымасць давядзецца пазмагацца на аўкцыёне. Пачатковы кошт лота — 1845,28 рубля.
— Мясцовыя ўлады хочуць, каб у будынку размясціліся гасцініца і аб’ект грамадскага харчавання, — адзначаюць у «БУТБ-Маёмасць». Заяўкі на ўдзел у таргах прымаюцца да 6 красавіка, а сам аўкцыён пройдзе 9 красавіка. Цікава, што пазней арандатар можа выкупіць арандаваную маёмасць.
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары