«Універсітэт працягвае сваю дзейнасць». ЕГУ пракаментаваў абвяшчэнне сябе ўладамі Беларусі «экстрэмісцкай арганізацыяй»
Вярхоўны суд Беларусі прызнаў Еўрапейскі гуманітарны ўніверсітэт «экстрэмісцкай арганізацыяй». На сайце ўніверсітэта з'явіўся кароткі каментар на гэты конт.
«14 красавіка 2026 года Вярхоўны Суд Рэспублікі Беларусь вынес рашэнне аб прызнанні Еўрапейскага гуманітарнага ўніверсітэта, зарэгістраванага ў Літве, разам з яго структурнымі падраздзяленнямі экстрэмісцкай арганізацыяй і аб забароне яго дзейнасці, а таксама выкарыстання яго сімволікі і атрыбутыкі на тэрыторыі Беларусі.
ЕГУ — гэта міжнародная акадэмічная супольнасць студэнтаў, выкладчыкаў і даследчыкаў, аб’яднаных каштоўнасцямі адкрытага дыялогу, ведаў і свабоды слова.
Універсітэт працягвае сваю дзейнасць у адпаведнасці з гэтымі прынцыпамі і застаецца прасторай для адукацыі і развіцця», — сказана ў заяве ўніверсітэта.
Каментары