7500 чалавек узялі сёння ўдзел у генеральнай рэпетыцыі выступу музыкаў на «Фестывалі надзеі»
Першы такі хрысціянскі фестываль пройдзе на «Чыжоўка-арэне» заўтра і паслязаўтра.
На «Чыжоўка-Арэне» прайшла генеральная рэпетыцыя напярэдадні афіцыйнага адкрыцця пратэстанцкага «Фестывалю надзеі».
Як паведамляецца на інстаграм-старонцы фестывалю, у мерапрыемстве ўдзельнічалі хор «Голас надзеі», аб’яднаны сімфанічны аркестр, салісты, музычныя гурты і выканаўцы, а таксама вернікі, якія сабраліся для супольнай малітвы перад пачаткам фестывалю.
Падчас рэпетыцыі на сцэну па чарзе выходзілі музыкі і прадстаўнікі цэркваў. Харавыя выступленні чаргаваліся з музычнымі нумарамі запрошаных артыстаў.
Па словах арганізатараў, усяго на генеральнай рэпетыцыі прысутнічалі больш за 7,5 тысячы чалавек.
Афіцыйнае адкрыццё «Фестывалю надзеі» запланавана на 16 мая ў 17:00 у «Чыжоўка-Арэне».
Чытайце таксама:
Апошнюю перарэгістрацыю верагодна не прайшлі каля 80 пратэстанцкіх суполак і адна місія
Пастар Грэм паабяцаў заўтра памаліцца за Лукашэнку
Лукашэнка сустрэўся з пратэстанцкім пастарам Франклінам Грэмам
Што можа адбыцца на пратэстанцкім «Фестывалі надзеі», на які прыедзе прапаведнік з ЗША