7500 čałaviek uziali siońnia ŭdzieł u hienieralnaj repietycyi vystupu muzykaŭ na «Fiestyvali nadziei»
Pieršy taki chryścijanski fiestyval projdzie na «Čyžoŭka-arenie» zaŭtra i paślazaŭtra.
Na «Čyžoŭka-Arenie» prajšła hienieralnaja repietycyja napiaredadni aficyjnaha adkryćcia pratestanckaha «Fiestyvalu nadziei».
Jak paviedamlajecca na instahram-staroncy fiestyvalu, u mierapryjemstvie ŭdzielničali chor «Hołas nadziei», abjadnany simfaničny arkiestr, salisty, muzyčnyja hurty i vykanaŭcy, a taksama vierniki, jakija sabralisia dla supolnaj malitvy pierad pačatkam fiestyvalu.
Padčas repietycyi na scenu pa čarzie vychodzili muzyki i pradstaŭniki cerkvaŭ. Charavyja vystupleńni čarhavalisia z muzyčnymi numarami zaprošanych artystaŭ.
Pa słovach arhanizataraŭ, usiaho na hienieralnaj repietycyi prysutničali bolš za 7,5 tysiačy čałaviek.
Aficyjnaje adkryćcio «Fiestyvalu nadziei» zapłanavana na 16 maja ŭ 17:00 u «Čyžoŭka-Arenie».
Čytajcie taksama:
Apošniuju pierarehistracyju vierahodna nie prajšli kala 80 pratestanckich supołak i adna misija
Pastar Hrem paabiacaŭ zaŭtra pamalicca za Łukašenku
Łukašenka sustreŭsia z pratestanckim pastaram Franklinam Hremam
Što moža adbycca na pratestanckim «Fiestyvali nadziei», na jaki pryjedzie prapaviednik z ZŠA