Агурбаш пачынае гастролі па Расіі, хоць знаходзіцца ў беларускім вышуку. Прапагандысты ў шаленстве
Спявачку абараняе расійскі пашпарт.
Спявачка Анжаліка Агурбаш вырашыла зладзіць гастрольны тур па Расіі і бліжэйшых краінах. Пра планы яна заявіла на прэс-канферэнцыі ў Маскве.
Намеры спявачкі выклікалі шаленства ў калябеларускіх прапагандыстаў. Канстанцін Прыдыбайла абрынуўся на яе з абразамі:
«Для тых, хто забыўся выпіць таблетку для памяці, нагадаю, што Агурбаш у 2020 годзе дзеля звання «Прымадонны новай Беларусі» падтрымала спробу дзяржаўнага перавароту ў краіне … Яна наўпрост выказвалася супраць палітыкі Расіі ў той сітуацыі, калі падтрымалі Беларусь. Яна асуджае СВА. Яна вораг Саюзнай дзяржавы. Спявачка не толькі не панесла ніякага пакарання, так яшчэ плануе «прэзентацыі і прэм'еры» і з канцэртным турам па Расіі сабралася. Што рабіць будзем? Аб якой адзінай прасторы можна казаць, калі пачвары такія пачынаюць нахабнічаць, нават не пачысціўшы сацсеткі?»
На Агурбаш у Беларусі насамрэч завялі некалькі палітычных крымінальных спраў — за нібыта распальванне варожасці і за абразу Лукашэнкі.
Аднак дастаць спявачку з Расіі — цяжкая задача. У Анжалікі Агурбаш не толькі беларускае, але і расійскае грамадзянства.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС18
Каментары
Але я вось ня цямлю, хто можа на яе канцэрты хадзіць, канешне пра густы не спрачацца, але не ўкладаецца ў галаву