Птушыная драма: чорны бусел ужо 6 гадоў спрабуе знайсці кампанію сярод белых
У аграгарадок Сякерычы Клецкага раёна чорны бусел прылятае кожны год і ўжо стаў для жыхароў родным, але для яго самога такі выбар азначае адзіноту. Гісторыю бусла Smartpress.by распавёў біёлаг Сяргей Шакала.
Біёлаг назірае за гэтым чорным буслом шэсць гадоў. Прылёт чырвонакніжнай птушкі на ўскраіну населенага пункта быў дзіўным, бо, у адрозненне ад белых, чорныя буслы звычайна пазбягаюць чалавека і селяцца ў непралазных лясных гушчарах на высокіх дрэвах.
На ўскраіне гарадка пры гэтым даўно асталяваліся белыя буслы.
«Чаму ён так імкнецца да іх, незразумела, — кажа Сяргей Шакала. — Магчыма, ён нейкім чынам вырас сярод белых буслоў і лічыць іх сваёй сям'ёй».
Птушка з'яўляецца ў Сякерычах кожную вясну, займае «вартавы» слуп праз дарогу ад буслінага гнязда, назірае за сваімі белымі родзічамі і беспаспяхова спрабуе з імі зблізіцца.
«Гняздо ў вёсцы ён ні разу не будаваў, так і сядзіць на слупе, дахах навакольных дамоў або адлятае на воданапорную вежу, — распавядае біёлаг. — Вядома, не пастаянна: лятае карміцца на навакольныя палі і вадаёмы. Некалькі разоў яго бачылі каля гнязда іншых буслоў у суседняй вёсцы».
Дружбы паміж роднаснымі відамі пакуль не здарылася. Белыя хутчэй цярпяць «чорнага прыліпалу», у шлюбны сезон яго і зусім адганяюць далей ад гнязда.
У мінулым годзе паводле сваёй звычкі чорны «ізгой» вясной зноў прыляцеў у Сякерычы. Праўда, летам з'яўляўся там не часта.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары