У ПАР 12 чалавек загінулі падчас вулічнай страляніны
У Паўднёва-Афрыканскай Рэспубліцы ў выніку масавай страляніны ў раёне Кліўленд на ўскраіне Яганэсбурга загінулі 12 чалавек, а яшчэ дзевяць атрымалі раненні. Інцыдэнт адбыўся позна ўвечары 9 чэрвеня, піша Бі-бі-сі.
Здымак ілюстрацыйны. Фота: Cetty Image
Паводле інфармацыі паліцыі, больш за дзесяць узброеных людзей прыехалі на белым мікрааўтобусе Toyota Quantum да аўтазапраўкі, пасля чаго ўвайшлі ў нефармальнае паселішча з двух бакоў і адкрылі агонь па мясцовых жыхарах. Пасля нападу яны зніклі на тым жа транспартным сродку.
На месцы загінулі восем мужчын і тры жанчыны, яшчэ адзін мужчына памёр у бальніцы. Пацярпелых з агнястрэльнымі раненнямі даставілі ў медыцынскія ўстановы.
Паліцыя распачала пошук падазраваных. Матывы нападу пакуль невядомыя і высвятляюцца ў межах расследавання.
Паўднёвая Афрыка застаецца адной з краін з высокім узроўнем забойстваў. Страляніна ў нефармальных паселішчах адбываецца рэгулярна і часта звязана з дзейнасцю бандыцкіх груповак або рознымі канфліктамі.
Чытайце таксама:
Свет на вайне. Летась зафіксавалі рэкордную колькасць канфліктаў з часоў Другой сусветнай
У Афрыцы новая ўспышка ліхаманкі Эбола: 65 памерлых у ДР Конга, адзін смяротны выпадак ва Угандзе
Тры пасажыры круізнага лайнера ў Атлантыцы загінулі, імаверна, у выніку ўспышкі загадкавага віруса