U PAR 12 čałaviek zahinuli padčas vuličnaj stralaniny
U Paŭdniova-Afrykanskaj Respublicy ŭ vyniku masavaj stralaniny ŭ rajonie Kliŭlend na ŭskrainie Jahanesburha zahinuli 12 čałaviek, a jašče dzieviać atrymali ranieńni. Incydent adbyŭsia pozna ŭviečary 9 červienia, piša Bi-bi-si.
Zdymak ilustracyjny. Fota: Cetty Image
Pavodle infarmacyi palicyi, bolš za dziesiać uzbrojenych ludziej pryjechali na biełym mikraaŭtobusie Toyota Quantum da aŭtazapraŭki, paśla čaho ŭvajšli ŭ niefarmalnaje pasielišča z dvuch bakoŭ i adkryli ahoń pa miascovych žycharach. Paśla napadu jany źnikli na tym ža transpartnym srodku.
Na miescy zahinuli vosiem mužčyn i try žančyny, jašče adzin mužčyna pamior u balnicy. Paciarpiełych z ahniastrelnymi ranieńniami dastavili ŭ miedycynskija ŭstanovy.
Palicyja raspačała pošuk padazravanych. Matyvy napadu pakul nieviadomyja i vyśviatlajucca ŭ miežach rasśledavańnia.
Paŭdniovaja Afryka zastajecca adnoj z krain z vysokim uzroŭniem zabojstvaŭ. Stralanina ŭ niefarmalnych pasieliščach adbyvajecca rehularna i časta źviazana ź dziejnaściu bandyckich hrupovak abo roznymi kanfliktami.
Čytajcie taksama:
Śviet na vajnie. Letaś zafiksavali rekordnuju kolkaść kanfliktaŭ z časoŭ Druhoj suśvietnaj
Try pasažyry kruiznaha łajniera ŭ Atłantycy zahinuli, imavierna, u vyniku ŭspyški zahadkavaha virusa