Аб'явілі перадзаказ на беларускі пераклад рамана Рэя Брэдберы
Выдавецтва «Янушкевіч» анансавала выхад рамана Рэя Брэдберы «Віно з дзьмухаўцоў» у перакладзе на беларускую мову. Да 20 ліпеня кнігу можна заказаць па спецыяльнай цане, а старт продажаў — 23 ліпеня.
«Віно з дзьмухаўцоў» Рэя Брэдберы вяртае нас у дзяцінства, калі лета падавалася бясконцым. У цэнтры сюжэту — дванаццацігадовы Даглас Сполдынг, які жыве ў ціхім гарадку Грынтаўн.
Праз прызму дзіцячага ўспрымання звычайныя летнія будні ператвараюцца ў чараду дзіўных адкрыццяў, прыгод і першых важных жыццёвых урокаў. Галоўным сімвалам становіцца дзядулева віно з дзьмухаўцоў — своеасаблівая капсула часу, што захоўвае сонечныя дні. Гэты залацісты напой зберагае пахі, гукі і эмоцыі лета, каб саграваць душу халоднай зімой.
Рэдактарка перакладу — Кацярына Маціеўская, афармленне — Таццяна Шустава.
Чытайце таксама:
«Такога ад Паўла я не чакаў». Як прайшла прэзентацыя самай асабістай кнігі Севярынца ў Вільні
Выходзіць кніга Максіма Жбанкова пра шокінгкульт