Украінскі Генеральны штаб паведаміў пра знішчэнне расійскага знішчальніка МіГ-29 у раёне аэрадрома «Мілерава» ў Растоўскай вобласці. Таксама быў знішчаны верталёт Ка-27 каля аэрадрома «Ейск» у Краснадарскім краі.
Акрамя авіяцыйнай тэхнікі, падраздзяленні Сіл абароны Украіны нанеслі ўдары па некалькіх расійскіх вайсковых аб’ектах. У прыватнасці, паведамляецца пра паражэнне склада са зброяй ва Уладзіміраўцы на акупаванай частцы Данецкай вобласці, склада матэрыяльна-тэхнічных сродкаў у Ачарэціне, а таксама месца канцэнтрацыі ўзбраення і вайсковай тэхнікі ў Рэчыцы Бранскай вобласці.
Раней украінскія Сілы беспілотных сістэм паведамлялі пра атаку на расійскі аэрадром Шагол у Чалябінскай вобласці. Тады, паводле іх інфармацыі, былі пашкоджаныя чатыры адзінкі авіяцыйнай тэхнікі — два знішчальнікі Су-57, Су-34 і яшчэ адзін самалёт сямейства Су, мадыфікацыю якога не ўдалося вызначыць. Удар быў нанесены прыкладна за 1700 кіламетраў ад украінскай мяжы.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары