У Мінску адкрываюць бясплатную школу кітайскай мовы
11 верасня ў Нацыянальнай бібліятэцы Беларусі адбудзецца адкрыццё бясплатнай школы кітайскай мовы «Хуадзяа». Праект рэалізуецца пры падтрымцы Пасольства Кітая ў Беларусі, піша агенцтва «Мінск-Навіны».
Здымак ілюстрацыйны. Фота: magnific.com
Падчас цырымоніі Нацыянальная бібліятэка Беларусі і Асацыяцыя арганізацый кітайскіх суайчыннікаў «Хуадзяа» падпішуць пагадненне аб супрацоўніцтве. Нядаўна гэтая асацыяцыя стварыла адукацыйную ўстанову «Кітайскі іерогліф».
Арганізатары называюць адкрыццё школы важным крокам у развіцці культурных і адукацыйных сувязяў паміж Беларуссю і Кітаем. Мінчукі і іншыя беларусы такім чынам атрымаюць магчымасць бясплатна вывучаць кітайскую мову.
Падрабязная праграма навучання, расклад заняткаў і парадак запісу будуць апублікаваныя пазней.
Чытайце таксама:
Ва Узбекістане вырашылі падкарэктаваць алфавіт. У ім стане больш літар