Беларусь усё больш набывае расійскага малака і вяршкоў
Са студзеня па жнівень 2026 года Расія экспартавала больш за 24 тысячы тон расфасаванага малака і вяршкоў на суму каля 35 мільёнаў даляраў. Беларусь увайшла ў пяцёрку найбуйнейшых купцоў гэтай прадукцыі, сведчаць звесткі расійскага «Аграэкспарту».
Здымак ілюстрацыйны. Фота: magnific.com
У параўнанні з аналагічным перыядам мінулага года экспарт расійскага малака і вяршкоў павялічыўся на 11% у фізічным аб’ёме і на 17% у грашовым выражэнні.
Найбольш гэтай прадукцыі закупіў Казахстан — больш чым на 15,5 мільёна даляраў. На другім месцы Кыргызстан з аб’ёмам каля 5,7 мільёна даляраў, на трэцім — Грузія, якая набыла расійскага малака і вяршкоў амаль на 2,7 мільёна даляраў.
Беларусь заняла чацвёртае месца. За восем месяцаў краіна закупіла расфасаванага расійскага малака і вяршкоў больш чым на 2,5 мільёна даляраў.
Чытайце таксама:
З чаго складаецца кошт кубачка капучына ў мінскай кавярні?
Якое малако лепшае: каровіна, соевае, аўсянае, міндальнае, рысавае? А можа, какосавае?
Чаму малако ў пакетах не скісае, а становіцца горкім?
Малако без каровы: ізраільскія навукоўцы навучылі расліны вырабляць малочны бялок