Dzie spampavać knihi pa-biełarusku?
Čytać elektronnyja knihi najzručniej z admysłovych «čytałak»-rydaraŭ. Padobnyja da płanšetaŭ pryłady majuć E-ink-ekran («elektronnaja papiera», «elektronnaje čarniła»), ad jakoha vočy stamlajucca nie bolš, čym ad papiarovaj knihi, bo ekran nie vypramieńvaje, a adbivaje śviatło. Takija rydary kaštujuć mienš za 100 dalaraŭ, najčaściej majuć ekrany dyjahanallu 6 calaŭ.
Čytać zručna i z płanšetaŭ dy smartfonaŭ (kali sačyć za časam, nie pieranapružvać vočy i rehulavać jaskravaść). Papularnyja prahramy-čytałki dla Android — Cool Reader i FB Reader, dla iOS u dadatak da standartnaj iBooks rajać Marvin i Ebook Reader, dla Windows Phone jość Coffee Reader.
Roznyja prahramy jość i dla čytańnia knih z kampjutara (sačycie za vačyma i śpinaj!). Sa mnohimi farmatami spraviacca FBReader i Calibre. Dla PDF paraim vykarystoŭvać Foxit Reader, a dla DjVu — WinDjVu.
Dzie spampavać knihi:
- Napeŭna, samaja viadomaja biełaruskaja anłajn-biblijateka — «Biełaruskaja palička» pa adrasie knihi.com.
- Dobra viadomaja i biblijateka kamunikat.org.
- Vydatnaje elektronnaje vydaviectva žyvie na sajcie bybooks.eu.
- Niemałaja kalekcyja knih poruč z prahramami, aŭdyjo i videa sabranaja na spampavac.by.
- Jak ni dziva, šykoŭnuju biblijateku knih pa-biełarusku pradstaŭlaje vytvorca elektroniki ź biełaruskimi karaniami Prestigio pa adrasie ebooks.prestigioplaza.com.
- Vialikuju kalekcyju elektronnych knih maje Sajuz biełaruskich piśmieńnikaŭ na sajcie lit-bel.org.
- Bahata encykłapiedyj, słoŭnikaŭ, knih pa historyi i mastactvie sabraŭ aŭtar sajta adverbum.org.
- Taksama raznastajnyja ekcykłapiedyi, słoŭniki, padručniki i daviedniki jość na slounik.org.
- Biełaruskamoŭnyja knihi źbiraje i supołka «UKantakcie» pad nazvaj «Biełaruskaja litaratura».
- Mastackaja litaratura biełaruskich aŭtaraŭ jość na sajcie vydaviectva «łohvinaŬ» — lohvinau.by.
- Troški cikavych knih jość na pravapis.org, troški na kniga.ucoz.org.
- Admysłovaja prahrama ź dziciačaj litaraturaj u pryhožym azdableńni jość dla iOS, zaviecca jana «Knihi dzietkam». Darečy, dziciačyja kazki i vieršyki možna znajści na kazki.by.
- Fanaty «Hary Potera» buduć radyja zboru pierakładaŭ na biełaruskuju na sajcie belpotter.by.
Niadaŭna paśpiachova zavieršyŭsia zbor srodkaŭ na stvareńnie iOS-viersii kazak z hołasam Aleha Chamienki i malunkami Julii Rudnickaj. Prahrama maje źjavicca ŭ chutkim časie, pakul kazki možna pahladzieć i pasłuchać na sajcie kazki.unicef.by.
Nie zabyvajcie, praź internet možna zamović i tradycyjnyja papiarovyja knihi — naprykład, na imbryk.by, knihi.by ci prastora.by.
Viedajecie inšyja dobryja sajty ź biełaruskimi knihami? Raspaviadzicie pra ich u kamientarach!
Čytajcie taksama: 16 sajtaŭ, dzie možna nabyć biełaruski padarunak