16 sajtaŭ, dzie možna nabyć biełaruski padarunak

Kab nikoha nie pakryŭdzić, pojdziem u ałfavitnym paradku. Niešta prapuścili? Napišycie ab hetym u kamientary!

Pavialičyć

artfolk.by

Tyja samyja «Słavutyja majstry», što ŭ Trajeckim pradmieści. Padarunki i suvieniry ručnoj raboty biełaruskich majstroŭ. Asartymient ad prostaha mahnicika «Pahonia» da vyrabaŭ z sałomki i aŭtarskich pano, karcin, lalek ci šachmatnych naboraŭ.

belarusam.by

Padborka tavaraŭ na biełaruskaj movie. Albomy dla malavańnia, mahnity na chaładzilnik dy ciopłyja švedary z arnamientam ci «Pahoniaj».

ethno.shop.by

Sapraŭdnyja mužčynskija i žanočyja narodnyja stroi, vyšyvanki, pajasy, dziciačaje adzieńnie, aksesuary, a taksama sučasnaje adzieńnie. Čuli pra etna-vušanku?

honar.by

Nasamreč, paŭnavartasnaha sajtu pa hetym adrasie pakul niama – jon u raspracoŭcy i ŭtrymlivaje tolki adnu staronku sa spasyłkami na Facebook i UKantakcie. Zatoje ŭ tych supołkach možna padabrać mnoha cikavaha adzieńnia ad brendu, jaki paśpieŭ navat paŭdzielničać u Belarusian Fashion Week.

Pavialičyć

imbryk.by

Dyski ź biełaruskamoŭnaj muzykaj, filmami, aŭdyjoknihami, knihi, paštoŭki, nastolnyja hulni, suvieniry… Draŭlany pazł z hierba «Pahonia» bačyli?

karali.by

Myła. Tut pradajuć myła. Ale nie takoje, jakim vy zvyčajna myjecie ruki. Usie pradukty Karali robiacca nievialikimi partyjami ŭručnuju z admysłova padabranych materyjałaŭ. Vychodzić duchmiana i pa-šlachietnamu. Darečy, u asartymiencie jość i aryhinalnyja kalekcyi parcalany.

knihi.by

Asnoŭny napramak dziejnaści knihi.by – prodaž knih pa-biełarusku, i ich śpis niemały. A ŭ dadatak da knih možna padabrać paštoŭku, mahnicik ci muzyčny dysk.

kramakubik.by

Krama-kłub «Kubik» śpiecyjalizujecca na nastolnych hulniach i hałavałomkach. U jaje asartymiencie na momant publikacyi byli i try biełaruskija «nastołki»: «Paŭstancy», «Razam!» i «1514». Akramia taho, tam možna znajści i papiarovyja madeli chiba nie ŭsich biełaruskich zamkaŭ.

Pavialičyć

lstr.by

LSTR – brend stylovaha moładzievaha adzieńnia-streetwear. Tut pradajucca kašuli, cišotki, śvitšoty, chudzi, šapki dy ramiani z aryhinalnymi dy časam pravakacyjnymi malunkami. I tak, jašče i dyzajnierskija čachły dla smartfonaŭ. Darečy, pryhladziciesia da fotamadelaŭ u ich katałohu, mo pabačycie znajomyja tvary!

prastora.by

«Mary z dastaŭkaj», – taki słohan sabie abrała krama. Najšyrejšy vybar nacyjanalnych padarunkaŭ dy suvieniraŭ. Knihi, muzyka, videa, adzieńnie, aksesuary, natatniki i paštoŭki… Harbata! Nie chočacie harbaty ŭ nacyjanalnym azdableńni?

ragna.by

Usie narodnyja ramiostvy, što vy zhadajecie, chutčej za ŭsio buduć pradstaŭlenyja ŭ hetaj kramie. Śviečki, vycinanka, valańnie, kieramika… Zaadno i knihi, dyski i adzieńnie z aksesuarami.

ruzabel.blogspot.com

«Padarunki ź biełaruskaj dušoj» ad dyzajniera Volhi Ružy. Dyzajnierskija vyraby ručnoj raboty, suvieniry i interjernyja lalki sa staradaŭnimi biełaruskimi imionami i dobrym sercam.

Pavialičyć

sendme.by

Mnostva aryhinalnych paštovak pa-biełarusku z dastaŭkaj pa ŭsim śviecie. Na luboje śviata i prosta biez nahody, u susiedni padjezd ci na susiedni kantynient.

skarbnica.by

Usia pradukcyja UP «Skarbnica», ad vyšyvanak i cełych strojaŭ da nievialičkich suvieniraŭ ci sałomki, štoraŭ dy abrusaŭ.

symbal.by

Adzieńnie i fieniečki, vyšymajki dla dziaciej i darosłych, suvieniry i posud, ściahi i nalepki – usio, što moža nieści nacyjanalnuju simvoliku.

vokladki.by

Vokładki na ŭsio, na što jany tolki mohuć spatrebicca. Pašpart, pravy, zalikoŭka, paśviedčańnie ab naradžeńni… Usio z aryhinalnymi malunkami nacyjanalnaj tematyki, a taksama naniasieńnie ŭłasnaha malunka na zamovu.

Pavialičyć

Viedajecie inšuju cikavuju anłajn-kramu z tavarami nacyjanalnaj tematyki? Napišycie ab hetym u kamientary!

• 3
• 0
• 0
• 0
• 0
• 0
• 0
• 0