Biełarusy paprasili dapamahčy Alehu Chamienku raspavieści kazki «ajfonam»
Užo znajšlisia i prahramisty dla Android.
Biełaruskija raspracoŭščyki mabilnych prahram, vydaviectva Kinderfox choča stvaryć zbor biełaruskich kazak dla iPhone i iPad. U hetym im zhadziŭsia dapamahčy lidar hurtu «Pałac» Aleh Chamienka i mastak-ilustratar Julija Rudnickaja.
Dla taho, kab biełaruskija kazki vyjšli dla smartfonaŭ i płanšetaŭ Apple, patrebnaja nievialikaja dapamoha — 30 młn rubloŭ. Ich raspracoŭščyki źbirajuć praz Ulej.by. Dapamahčy možna luboj sumaj, pačynajučy ad 5 tysiač.
Na momant publikacyi sabrana ŭžo 10 młn rubloŭ.
Jak kažuć raspraoŭščyki, pieršapačatkova płanavałasia tolki viersija dla iOS, ale ŭžo znajšlisia inicyjatyŭnyja prahramisty, hatovyja dapamahčy i z vypuskam Android-viersii.
«Praca nad prajektam doŭžyłasia kala 8 hadoŭ, — raspavioŭ Andrej Załatar, pradziusar iOS vydaviectva Kinderfox. — Raniej kazki vydavalisia na kampakt-dyskach. Ale sučasnyja miedyja patrabujuć novych farmataŭ, dastupnych kožnamu karystalniku».
«Hetyja kazki pavinny stać viadomyja pa ŭsioj Biełarusi. Usie my viedajem kazki ruskija, šviedskija, Puškina i Andersana. A voś biełaruskija kazki … Nu, adnu viedajem, dźvie, try, nie bolej. Dzieci nie viedajuć kazak. Dy što tam dzieci - darosłyja nie viedajuć. I toje, što my robim, - heta papularyzacyja kazki», - piša Chamienka.
Pahladzieć kazki ŭ ahučcy Aleha Chamienki z malunkami Julii Rudnickaj na kampjutary možna tut, a paznajomicca ź inšym prajektam Kinderfox, biełaruskaj mabilnaj azbukaj, — tut.
Prafinansujcie taksama: Mulcik «Śvinka Pepa» pa-biełarusku
Kamientary