Recept na vychadnyja. Kurynyja eskałopy z sałataj z rukały — prostaje i smačnaje miasa
Paŭhadziny pracy (dobra, krychu bolš) — i ŭ vas na stale haračaja chrustkaja kuracina. Aryhinalnym dapaŭnieńniem da jaje stanie sałata z rukały i parmiezanu.
Fota: BBC Food
Kab zhatavać kurynyja eskałopy z sałataj z rukały, vam spatrebicca:
- 4 kurynyja hrudki biez kostak i skury
- 10—12 drobna parublenych listkoŭ śviežaha šałfieju (možna zamianić na čabor ci bazilik)
- 12 zdrabnionych harošyn čornaha piercu (ci inšaja śpiecyja na vaš hust)
- 8 stałovych łyžak muki
- 2 uźbityja jajki
- 150 hramaŭ muki
- 250 hramaŭ panirovačnych sucharoŭ
- 180 hramaŭ masła
- sok z pałovy limona
- aliŭkavy alej
- balzamičny vocat
- 100 hramaŭ rukały
- 80 hramaŭ ciortaha parmiezanu (ci inšaha ćviordaha syru)
- Kab zrabić eskałopy, raźmiaścicie kožnuju hrudku pamiž dvuma słajami charčovaj plonki. Vykarystoŭvajcie kačałku dla ciesta, kab razhładzić kožnuju hrudku, pakul jana nie stanie bolš tonkaj i šyrokaj. Prybiarycie plonku, prypraŭcie miasa šałfiejem i piercam.
- Nasypcie muku ŭ misku, u inšaj miscy ŭźbicie razam jajki i małako. Nasypcie na talerku panirovačnyja suchary.
- Abkačajcie kožny kavałak miasa ŭ mukie i strasicie ź jaho liški. Apuścicie kožny eskałop u sumieś ź jajek i małaka, a potym abkačajcie jaho ŭ sucharach, pakul jon nie budzie imi całkam pakryty.
- Pastaŭcie patelniu na siaredni ci vialiki ahoń, rastapicie na joj pałovu ŭsiaho masła. Pakładzicie ŭ patelniu dva z čatyroch eskałopaŭ i smažcie ich na kožnym baku na praciahu 4—6 chvilin abo pakul suchary nie nabuduć załaty koler. Prybiarycie eskałopy z patelni i pakładzicie ich u ciopłaje miesca.
- Paŭtarycie toje ž samaje z bolšaj častkaju masła, što ŭ vas zastałosia, i z dvuma eskałopami, što ŭ vas zastalisia.
- Rastapicie reštki masła ŭ inšaj patelni na siarednim ahni. Kali masła stanie śvietła-karyčnievym, dadajcie tudy limonavy sok i pieramiašajcie sumieś. Prybiarycie sumieś z ahniu.
- Kab zrabić sałatu, źmiašajcie aliŭkavy alej i vocat da adnarodnaści. Dadajcie rukału i dobra ŭsio pieramiašajcie, kab sumieś pakryvała rukału.
- Kab padać eskałopy, pamiaścicie kožny ź ich u centr asobnaj talerki i palejcie sumieśsiu limonnaha soku i masła. Pakładzicie kala eskałopa rukału i pasypcie jaje parmiezanam.