Tomos Parry — šef-povar z Uschodniaha Łondana, kiraŭnik ułasnych restaranaŭ Brat i Brat at Climpson’s Arch. Z Wall Street Journal jon padzialiŭsia ŭłasnym receptam taho, jak pravilna pryhatavać kačku — sytnaje miasa, jakoje daść vam šmat enierhii ŭ chałodny siezon.
Kačku ad mistera Parry lepiej za ŭsio rabić na dravianym hryli. Adnak nie biada, kali ŭ vas jaho niama, bo navat pryhatavanaje ŭ duchoŭcy miasa dazvolić vam atrymać asałodu ad pryjoma ježy. Šef-povar raić hatavać kačku da siaredniaj stupieni prasmažvańnia.
Kab zrabić smažanyja kačynyja hrudki z sałataj, inžyram i vinahradam, vam spatrebicca:
- 1 vialikaja hałoŭka sałaty radykijo (možna zamianić luboj inšaj sałataj ź siamiejstva cykoryjevych)
- 3 vialikija kačynyja hrudki (zrabicie na skury nadrezy)
- sol
- 4 stałovyja łyžki ślivačnaha masła
- pałova pałački karycy
- 1 ściabło čaboru
- 1 ściabło razmarynu
- 10 hramaŭ apielsinavaj cedry
- 3-4 žmieni čyrvonaha vinahrada
- 500 hramaŭ śpiełaha inžyra, razrezanaha na pałovy ŭ daŭžyniu
- 1 stałovaja łyžka balzamičnaha vocatu
Kolkaść praduktaŭ pryviedzienaja na 4 porcyi.
- Razahrejcie duchoŭku da 350 hradusaŭ.
- Napoŭnicie siaredniuju kastrulu vadoj i pastaŭcie jaje na plitu, uklučycie vialiki ahoń. Pasalicie vadu i błanšyrujcie ŭ kastruli radykijo, pakul sałata nie stanie trochi miahčejšaja (kala 30 siekund). Pamiaścicie sałatu ŭ drušlak i vysušycie jaje.
- Pasypcie miasa sollu. Pastaŭcie na mały ahoń vialikuju patelniu i pakładzicie na jaje kačynyja hrudki skuraj uniz. Smažcie miasa 15 chvilin ci da taho momantu, pakul tłušč, jaki budzie vyciakać z hrudak, nie zastynie, nie atrymaje załaty koler i nie pačnie chruścieć.
- Pieraniasicie radykijo ŭ patelniu da miasa i smažcie kala 3 chvilin, pakul sałata nie nabudzie załaty koler.
- Pieraviarnicie kačku skuraj uvierch. Dadajcie masła, karycu, čabor, razmaryn, apielsinavuju cedru, inžyr, vinahrad i vocat. Raŭnamierna raźmiaścicie frukty i sałatu ŭ patelni.
- Pieraniasicie patelniu ŭ duchoŭku i piačycie tam miasa jašče prykładna 15 chvilin, pakul kačka nie budzie prasmažanaja da siaredniaj stupieni.
- Dastańcie kačku z patelni i pakińcie jaje na 10 chvilin. Paśla hetaha narežcie hrudki na kavałki taŭščynioj u 1-1,5 sm. Pierad padačaj palejcie kačku soŭsam z patelni, raźmiaścicie kala jaje na talercy pryhatavany inžyr, radykijo i vinahrad.
Recept na vychodnyja: vosieński krambł z kazinym syram i cukini
Lubicie draniki? Tady pryhatujcie Rösti — šviejcarskaje smakoćcie
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam18
Kamientary