Labiedźka: Ja nikoli tak nie chacieŭ apynucca na Akreścina, jak hetaj nočču
Palityk prakamientavaŭ u fejsbuku zatrymańnie jahonaha syna Arcioma, jakoje adbyłosia ŭčora.
Labiedźka pryhadaŭ, što noč z 28 na 29 sakavika 2012 hoda jon pravioŭ u IČU Oršy, kudy jaho dastavili nočču paśla šturmu vahona ciahnika…
«U aršanskim sudzie łžyva śviedčyli try milicyjanty. Pieršym dvum sudździa zadavała pytańnie: «A jakija łajanki ŭžyvali pry zatrymańni Labiedźka, Kalakin i Atroščankaŭ. Vy ich nie kažycie, tolki pieršuju litaru nazavicie».
Pieršy łžeśviedka, nie čyrvaniejučy, paviedamiŭ, što jany ŭžyvali słova na litaru Ch, druhi da Ch dadaŭ jašče i P. Treciamu, majoru Hrulu, pieradali, što pytajecca sudździa. I jak tolki jana skazała pieršuju pałovu pytańnia, jon tut ža vypaliŭ: «Jany ŭsie troje kryčali, dakoli budzie hetaje miantoŭskaje biaźmiežža, b***».
Nu, vy nie łajciesia, źbiantežana paprasiła sudździa milicyjanta».
«Prajšło 11 hadoŭ. Jon dasłužyŭsia da hienierała. Biaźmiežža stała karjernaj leśvicaj. Biaźmiežža stała normaj, štodzionnaściu. Biaźmiežža nakryła krainu savanam», — napisaŭ Labiedźka.
Pa jaho słovach, 2022 hod byŭ adzinym za apošnija hadoŭ 25, kali ŭ milicejskich pratakołach, u sudovych pastanovach nie fihuravała proźvišča Labiedźki (u samyja ŭradžajnyja hady kolkaść sudovych pracesaŭ dachodziła da 17 na hod).
«Na žal, u 2023 usio viarnułasia na kruhi svaje, tolki ŭsio značna vastrej i bolš baluča. Ja jašče nikoli tak nie chacieŭ apynucca ŭ małpoŭni Kastryčnickaha RUUS, na Akreścina, jak hetaj nočču…» — z sumam kanstatavaŭ Anatol Labiedźka.
Čytajcie taksama:
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU6
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary