Łukašenka spadziajecca, što Turcyja padstavić plačo aficyjnamu Minsku ŭ niaprosty pieryjad
Alaksandr Łukašenka adznačyŭ zasłuhi prezidenta Turcyi Redžepa Taipa Erdahana pa vybudoŭvańni niezaležnaj palityki krainy. Pra heta jon zajaviŭ na sustrečy z pasłom hetaj krainy Mustafoj Azdžanam.
Maŭzalej pieršaha prezidenta Turcyi Mustafy Kiemala Ataciurka ŭ Ankary. Ničoha nie nahadvaje ŭ Minsku? Fota: Diego Cupolo / NurPhoto via Getty Images
«U nas vialikaja cikavaść da vašaj suvierennaj niezaležnaj palityki. Vy vyrašajecie pytańni tak, jak treba tureckamu narodu. U hetym, viadoma, vaš prezident pierasiahnuŭ, možna skazać, usiakija čakańni tureckaha naroda», — cytuje Łukašenku BiełTA.
«My hatovyja rabić usio, kab vaša kraina raźvivałasia. My nie dabračyncy. My taksama ad hetaha pavinny mieć i majem adpaviedny vynik. Ale treba zdymać niavyrašanyja pytańni, jakija ŭ nas isnujuć. I my vielmi spadziajemsia, što ŭ hetaj niaprostaj situacyi Turcyja padstavić nam plačo. Chacieŭ by abmierkavać šerah pytańniaŭ, jakija my pavinny budziem vyrašyć razam z vami ŭ najbližejšy čas», — skazaŭ Łukašenka na sustrečy z pasłom.
Čytajcie taksama:
Erdahan zaklikaŭ lidaraŭ krain G20 vykanać umovy Rasii, kab adnavić zbožžavuju ŭhodu
Erdahan nie pierakanaŭ Pucina viarnucca da «zbožžavaj ździełki»