Erdahan zaklikaŭ lidaraŭ krain G20 vykanać umovy Rasii, kab adnavić zbožžavuju ŭhodu
Prezident Turcyi Redžep Taip Erdahan zaklikaŭ lidaraŭ niekatorych krain «Vialikaj dvaccatki» (G20) vykanać niekatoryja patrabavańni Rasii, kab adnavić pahadnieńnie ab vyvazie ŭkrainskaha zbožža z čarnamorskich partoŭ. Pra heta Erdahan kazaŭ padčas zakrytych pieramoŭ, jakija prajšli padčas samitu G20 u Ńju-Deli, piša «Mieduza».
Try tureckija čynoŭniki śćviardžajuć, što Erdahan na hetych sustrečach zaklikaŭ sadziejničać tamu, kab rasijski ekspart charčavańnia strachavała łondanskaja kampanija Lloyd's, a rasijskija banki znoŭ padklučyli da sistemy SWIFT, ad jakoj ich adklučyli paśla poŭnamaštabnaha ŭvarvańnia vojskaŭ RF va Ukrainu.
Lidary G20 u vynikovaj dekłaracyi samitu ŭ Ńju-Deli zaklikali da poŭnaha ažyćciaŭleńnia zbožžavaj uhody dla zabieśpiačeńnia pastavak praduktaŭ charčavańnia i ŭhnajeńniaŭ z RF i Ukrainy.
Jak adznačaje Bloomberg, namahańni Turcyi naŭrad ci zmohuć pachisnuć sajuźnikaŭ Ukrainy ŭ ZŠA i Jeŭropie, pry hetym Erdahan, miarkujučy z usiaho, pryniaŭ patrabavańni Rasii. Erdahan nie zmoh pierakanać Uładzimira Pucina viarnucca da zbožžavaj uhody na pieramovach, jakija prajšli ŭ Sočy ŭ pačatku vieraśnia.
Niekalki jeŭrapiejskich dypłamataŭ zajavili ahienctvu, što ŭłady Rasii raniej adkinuli prapanavany AAN kampramisny varyjant, jaki praduhledžvaŭ, što Rasija adnović zbožžavuju ŭhodu, a naŭzamien daččynuju strukturu dziaržaŭnaha Raśsielhasbanka padklučać da SWIFT.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary