Pasoł Turcyi padziakavaŭ Łukašenku i parłamientu za padtrymku padčas sproby pieravarotu ŭ 2016 hodzie
Turcyja dniami adśviatkavała Dzień demakratyi i nacyjanalnaha adzinstva — siomuju hadavinu niaŭdałaj sproby dziaržaŭnaha pieravarotu. Hety fakt adznačyŭ ambasadar Turcyi ŭ Biełarusi Mustafa Azdžan na mierapryjemstvie ŭ Minsku, piša BiełTA.
«Takija krainy, jak Biełaruś, siabroŭstvam ź jakimi my hanarymsia, dobra viedajučy, što ź siabie na samaj spravie ŭjaŭlaje FETO (arhanizacyja prychilnikaŭ apazicyjnaha dziejača Fietchułacha Hiulena. — «NN»), ź pieršych imhnieńniaŭ sproby pieravarotu akazali našaj krainie mocnuju padtrymku, prademanstravali, što nie na słovach, a na spravie źjaŭlajucca našymi siabrami. U hetym kantekście ad imia majoj krainy i ad imia našaha pavažanaha prezidenta ja vykazvaju padziaku pavažanamu spadaru Łukašenku i parłamientu Biełarusi», — skazaŭ pasoł Turcyi.
***
Uviečary 15 lipienia i nočču 16 lipienia ŭ Turcyi adbylisia padziei, kali častka tureckich vajskoŭcaŭ raspačała sprobu ździejśnić vajenny pieravarot u krainie, uziaŭšy pad svoj kantrol šerah stratehična važnych abjektaŭ. Ličycca, što matyvam dziejańniaŭ vajskoŭcaŭ była niezadavolenaść uzmacnieńniem asabistaj ułady Erdahana i jaho palitykaj isłamizacyi. Tureckaja armija histaryčna ličyłasia hałoŭnaj aporaj śvieckaha charaktaru dziaržavy.
Zachapić prezidenta, jaki byŭ u hety čas u adpačynku na mižziemnamorskim kurorcie ŭ Marmarysie, zmoŭščykam nie ŭdałosia. Jon prylacieŭ u Stambuł i źviarnuŭsia da nacyi pa telebačańni. Na vulicy haradoŭ vyjšli jaho prychilniki, jakija ŭstupili ŭ kanfrantacyju z vajskoŭcami.
Samaloty F-16 z avijabazy Akyndžy trojčy abstralali budynak parłamienta, a taksama darohu kala prezidenckaha pałaca i štab-kvatery śpiecnaza i palicyi Ankary. U vyniku hetych udaraŭ zahinuli 68 čałaviek i bolš za 200 byli paranienyja.
Na nastupny dzień miaciežnyja vajskoŭcy kapitulavali.
Paśla sproby pieravarotu prezident Erdahan pravioŭ u krainie masavuju čystku. Było zvolniena kala 100 tysiač dziaržaŭnych słužačych, vykładčykaŭ i sudździaŭ, zvyš 2,5 tysiačy čałaviek prysudžanyja da pažyćciovaha źniavoleńnia.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud11
Kamientary
Budut s Turcijej torhovať oružijem? Ili užie vovsiu torhujut? Ili chotiat orhanizovať proizvodstvo bajraktarov?
Byli traktory stanut bajraktary?