Kadyraŭ prapanavaŭ abmianiać pałonnych ukraincaŭ na źniaćcie sankcyj sa svaich koniej
Kiraŭnik Čačni Ramzan Kadyraŭ zrabiŭ niečakanuju prapanovu pa abmienie vajennapałonnych ukraincaŭ. Jon prapanavaŭ ZŠA ŭ abmien na pałonnych źniać sankcyi sa svaich svajakoŭ, koniej i samalota.
Śpis ukrainskich vajennapałonnych Kadyraŭ pieradaŭ byłomu amierykanskamu raźviedčyku Skotu Ryteru, jaki prybyŭ u Hrozny, paviedamlajuć «RIA Novosti».
Prapanova była vykazanaja padčas šychtavańnia kadyraŭskich siłavych padraździaleńniaŭ, padčas jakoha pakazali i pałonnych. Niekatorych ź ich prymusili asabista prasić z ekrana manitora pra admienu sankcyj suprać kadyraŭskaj siamji i jahonych žyvioł dy srodkaŭ pieramiaščeńnia.
«U nas jość pałonnyja, jakich my zabrali ŭ Daniecku, Łuhansku. Ja pieradaju (śpis) našamu hościu… kali jany zdymuć sankcyi z majoj mamy, z dačok i ni ŭ čym nie vinavatych ludziej, koniej… to my hetych ludziej addamo», — zajaviŭ Kadyraŭ.
Raniej u sankcyjny śpis trapili vierahodnyja žonki Kadyrava (tak miarkuje Minfin ZŠA) — Miedni Kadyrava, Facima Chazujeva i Aminat Achmadava. Taksama abmiežavańni ŭviali suprać dačok Kadyrava Ajšat, Karyny i Tabaryk, doma mody Ajšat Kadyravaj Firdaws i Turpał-Ali Ibrahimava, stryječnaha brata kiraŭnika Čačni.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary