Na litoŭska-biełaruskaj miažy pamiežniki zastrelili kantrabandysta

Pavodle Słužby achovy dziaržaŭnaj miažy, u subotu kala 21:00 pamiežniki pravodzili apieracyju pa pošuku kantrabandystaŭ u navakollach vioski Paŭdryjonis Salečnickaha rajona niedaloka ad miažy ź Biełaruśsiu. Na darozie jany zaŭvažyli aŭtamabil VW Passat. Kali litoŭskija pamiežniki pasprabavali spynić kiroŭcu, toj pavialičyŭ chutkaść.

Aŭtamabil, na jakim sprabavaŭ źjechać mierkavany kantrabandyst. Fota: VSAT 

Pamiežniki pačali pieraśled.

Niepadalok na darozie akazaŭsia jašče adzin pahraničnik u formie. Jak miarkujecca, uciakač pasprabavaŭ jaho źbić. Pa pieršapačatkovych danych, kab paźbiehnuć pahrozy zdaroŭju i žyćciu i dla taho, kab spyniaje uciekača, jaki ŭjaŭlaje niebiaśpieku, pamiežnik zrabiŭ adzin streł z tabielnaj zbroi ŭ šynu aŭtamabila. 

Praź niekatory čas aŭtamabil spyniŭsia. Na siadzieńni kiroŭcy byŭ znojdzieny hramadzianin Litvy, śmiarotna paranieny strełam ź pistaleta. 

U mašynie znachodzilisia pakavańni ź mierkavana kantrabandnymi cyharetami. 

Palicyja pačała dasudovaje rasśledavańnie. Słužba achovy dziaržaŭnaj miažy pravodzić słužbovaje rasśledavańnie hetaha incydentu.

Kamientary da artykuła