Hramadstva1616

«Pieramoha ŭ Biełarusi ŭ 2020-m hodzie mieła b vialiki palityčny ŭpłyŭ na astatniuju Jeŭropu» — En Epłbaŭm

U novym vypusku tok-šou «Žyćcio-malina» amierykanskaja žurnalistka En Epłbaŭm padzialiłasia svaim pohladam, čamu Pucin nie pahłynaje Biełaruś, chto vyratavaŭ Łukašenku ŭ 20-m hodzie, i patłumačyła, čamu Cichanoŭskaja — vyklik dla Rasii.

Fota: Getty Images

En Epłbaŭm — amierykanski historyk, piśmieńnica i žurnalistka. U minułym redaktarka časopisaŭ The Economist i The Spectator, člen vydavieckaj rady The Washington Post. Uładalnica Pulitceraŭskaj premii. Maje biełaruskija karani (jaje prodki pachodziać z Kobryna). Žyvie ŭ Varšavie. U šlubie ź ministram zamiežnych spraŭ Polščy Radasłavam Sikorskim. Pryniała polskaje hramadzianstva.

Chto vyratavaŭ Łukašenku ŭ 2020-m?

En Epłbaŭm adznačaje, što ŭ 2020-m hodzie, kali Łukašenka byŭ na miažy pravału, jon «u asnoŭnym» byŭ vyratavany Rasijaj. Ale taksama jaho vyratavali Iran, Kitaj i Vieniesueła.

«Kubincy ŭ AAN hałasavali razam ź Biełaruśsiu. Kitajcy pryvieźli vialikija inviestycyjnyja prajekty ŭ Biełaruś. (…) Tamu Biełaruś stała niejkim prajektam, jaki vyratavali aŭtakratyčnyja dziaržavy, nadaŭšy bolš siłaŭ Łukašenku».

Žurnalistka zaŭvažaje, što nie bačyć, kab u Łukašenki byŭ niejki inšy płan, jak padtrymlivać sistemu i zastavacca pry ŭładzie.

Čamu Pucin nie pahłynaje Biełaruś?

Epłbaŭm dapuskaje, što Biełaruś moža stać častkaj Rasii. «Byli momanty, kali zdavałasia, što heta toje, čaho choča Pucin. Była razmova pra aljans», — nahadvaje žurnalistka i zaŭvažaje, što nie viedaje, čamu heta ŭsio jašče nie zdaryłasia.

Epłbaŭm prapanuje svaju viersiju: «Moža być, Pucinu zdajecca karysnym mieć Łukašenku jak sajuźnika. Kab heta vyhladała tak, što ŭ jaho bolš siabroŭ. A kali b Biełaruś była častkaj Rasii, tady b jon vyhladaŭ bolš izalavanym».

En Epłbaŭm En Eppłbaum Anne Applebaum
En Epłbaŭm. Skryn videa: malina_by / YouTube

«Pieramoha Cichanoŭskaj stała b vyklikam dla Pucina»

Na pohlad Epłbaŭm, «stvareńnie padziełu pamiž Biełaruśsiu i Rasijaj i dapamoha biełarusam u tym, kab źmianić Biełaruś, budzie dla Pucina vialikim udaram. Bo jon bačyć Biełaruś, Rasiju i Ukrainu razam».

Pa słovach žurnalistki, metaj Pucina źjaŭlajecca stvareńnie «niejkaj novaj dziaržavy z rasijskaj uładaj, jakaja moža paŭpłyvać na Jeŭropu z-za svaich hieahrafičnych pamieraŭ».

Epłbaŭm nazyvaje dva samyja prostyja šlachi dla taho, kab hetaha nie zdaryłasia: «Heta pieramoha Ukrainy ŭ vajnie ci źmiena režymu ŭ Biełarusi. I tady vy stvarajecie bolš słabuju sistemu».

Žurnalistka raskazvaje, što jość jašče adno mierkavańnie adnosna taho, jak demanstracyi ŭ 2020-m hodzie i nastupnyja represii suprać demanstrantaŭ stali pryčynaj uvarvańnia Pucina va Ukrainu.

@tokbelarus U novym TOKu palitołah Juryj Drakachrust razvažaje pra Śviatłanu Cichanoŭskuju #tichanovskaja #našaniva #biełaruskajamova #politika #łukašienko #biełaruś ♬ stellar (Slowed + Reverb) - .diedlonely & énouement

«Mova demakratyi i mova svabody, jakaja vykarystoŭvałasia ŭ Biełarusi ŭ 2020-m hodzie, napužała Pucina takim ža čynam, jak u 2014-m va Ukrainie. Jon pabačyŭ pieramohu demakratyčnaha ruchu ŭ krainach, jakija i hieahrafična, i krychu linhvistyčna, i inšym čynam pobač. Jak ja baču, pamiž tryma krainami jość šlubnyja, siamiejnyja, histaryčnyja suviazi», — tłumačyć Epłbaŭm i dadaje:

«Ja dumaju, što Pucin usprymaŭ padziei [2020-ha hoda ŭ Biełarusi] jak asabistuju pahrozu. Tamu pieramoha Śviatłany Cichanoŭskaj u Biełarusi, kali b jana stała prezidentkaj, stała b vialikim vyklikam dla Pucina ŭ jaho hałavie. Kali jana moža stać prezidentkaj Biełarusi, čamu tady niechta inšy nie moža stać prezidentam Rasii. (…) Niezaležnaja Biełaruś stała niečym nakštałt ideałahičnaha vykliku Pucina, jaki, mahčyma, choć i nie lubiŭ Łukašenku, ale pieraadoleŭ heta».

Ci mahła pieramoha ŭ Biełarusi ŭ 20-m hodzie źmianić situacyju ŭ rehijonie?

Epłbaŭm adznačaje, što inšaja sistema ŭ Biełarusi adrazu b źmianiła situacyju ŭ rehijonie. U sajuzie z Polščaj, naprykład, adrazu b dapamahła Ukrainie. Heta adrazu b addaliła Rasiju. Polskaja ŭschodniaja miaža, uschodniaja miaža Jeŭrasajuza była b u biaśpiecy.

Heta było b dobra i dla ekanomiki. Było b vydatna, kab Biełaruś mahła stać udzielnicaj jeŭrapiejskich rynkaŭ. Heta dapamahło b i biełarusam, i ŭsim astatnim. Heta mieła b vialiki ekanamičny efiekt. A taksama mieła b vialiki palityčny ŭpłyŭ na astatniuju Jeŭropu».

Akramia hetaha, jak ličyć žurnalistka, heta b «nazaŭsiody źniščyła płan Pucina pa adnaŭleńni rasijska-biełaruska-ŭkrainskaj impieryi».

Kamientary16

  • tak
    02.06.2024
    Dziciačy sad.
  • Vińni puk
    02.06.2024
    v 2020 hodu nikakoj pobiedy nie mohło byť po opriedieleniju. Vsie prociessy kontrolirovaliś i upravlaliś s jedinstviennoj cielju priručiť łukašienko i vystaviť jeho sojuźnikom rosii v vojnie protiv Ukrainy. putinu eto udałoś. 
  • Pamyłkovy pohdiad nieśviadomaj zamiežnaj baby
    02.06.2024
    Biełarusy ŭžo.dobra viedajuć, čamu nie pieramahli ŭ 2020-m, ale ž pavadyry tych padziej nie chočuć adkazać za heta pierad narodam.
    Im treba pakajacca i syjści z palityčnaha alimpa zamiežnych apazicyjanieraŭ.

Ciapier čytajuć

Ihar Tur patraciŭ minimum 30 tysiač na premijalnuju kuchniu FOTA19

Ihar Tur patraciŭ minimum 30 tysiač na premijalnuju kuchniu FOTA

Usie naviny →
Usie naviny

U Navahrudku padpisali damovu ab stvareńni Biełaruskaha muzieja Chałakostu4

Zastreleny ŭ Kijevie pałkoŭnik SBU kiravaŭ hrupaj, jakaja likvidavała «Matarołu»1

Kanapackaja jedzie ŭ Litvu na aŭtobusie padavać zajavu ŭ Departamient dziaržbiaśpieki FOTAFAKT66

Pamierła Iryna Jaskievič

«A mianie mienš za ŭsio turbuje, ci zahavoryć Siarhiej Cichanoŭski pa-biełarusku»209

Biełarusy dzielacca videazapisami pralotaŭ rasijskich bieśpiłotnikaŭ10

U Babrujskim rajonie adšukali dva dvuchsothadovyja duby-vołaty1

U niebie nad Kijevam upieršyniu z 2022 hoda źjaviŭsia cyvilny transpartny samalot1

«Nie dla taho pracuju, kab tysiačami dalaraŭ raskidvacca». Biełaruska ŭ Polščy praz sud sprabuje viarnuć zakład za kvateru9

bolš čytanych navin
bolš łajkanych navin

Ihar Tur patraciŭ minimum 30 tysiač na premijalnuju kuchniu FOTA19

Ihar Tur patraciŭ minimum 30 tysiač na premijalnuju kuchniu FOTA

Hałoŭnaje
Usie naviny →

Zaŭvaha:

 

 

 

 

Zakryć Paviedamić