Ministerstva adukacyi zapatrabavała ekstranna pravieści mierapryjemstva da jubileju «Sajuznaj dziaržavy»
Ministerstva adukacyi siońnia zapatrabavała ad biełaruskich škoł i kaledžaŭ pravieści adziny ŭrok: dla «sadziejničańnia ŭśviedamleńniu navučencami kaštoŭnaści družby pamiž narodami Biełarusi i Rasii», daviedaŭsia «Fłahštok».
Spravazdačnaje fota ź mierapryjemstva Vucieŭskaj siaredniaj škoły. Fota: «Dobrušskij kraj»
U adpaviednaści z rasparadžeńniem namieśnika ministra adukacyi Kaciaryny Piatruckaj, navučalnyja ŭstanovy abaviazanyja pravieści ŭrok z 5 pa 10 śniežnia. Nahoda — 25-hodździe padpisańnia ŭ 1999 hodzie damovy ab stvareńni «Sajuznaj dziaržavy Biełarusi i Rasii».
Nie zapłanavany zahadzia charaktar «adzinaha ŭroka» moža śviedčyć, što mierapryjemstva siarod dziaciej i padletkaŭ prymierkavanaje da sustrečy Łukašenki i Pucina ŭ Minsku 6 śniežnia.
Infarmacyja pra pryjezd Pucina źjaviłasia tolki 26 listapada. Vierahodna, čynoŭniki Minadukacyi sami nie płanavali nijakich mierapryjemstvaŭ da hetaj daty, ale ŭ samy apošni momant atrymali adpaviedny zahad.
U instrukcyi pa praviadzieńni ŭroka havorycca, što dziaciej varta sabrać u aktavaj zale abo biblijatecy, ź mienšymi dziećmi pavadzić «karahod družby», a starejšym pačytać cytaty z Łukašenki i Pucina. Skončyć urok rekamiendujecca pieśniaj Aleny Łanskoj i Alaksandra Jałoŭskich «Vmiestie».
Čytajcie taksama:
Na hetym tydni ŭ Minsk pryjedzie Pucin
Bresckuju krepaść znoŭ pastaviać na maštabnuju rekanstrukcyju
Adzinaje aŭtastrachavańnie pamiž Biełaruśsiu i Rasijaj zapracuje z novaha hoda