Miemaryjalny kompleks «Bresckaja krepaść-hieroj» u najbližejšyja hady čakaje maštabnaja rekanstrukcyja, raboty pa jakoj zakranuć 11 abjektaŭ kompleksu, piša «Viečiernij Briest».
Rekanstrukcyju zadumali ŭ ramkach prajekta «Sajuznaj dziaržavy», jak praciah papiarednich pieraŭtvareńniaŭ 2018-2020 hadoŭ, jakija achapili 16 abjektaŭ miemaryjalnaha kompleksu.
Biudžet novaha prajekta — 493 młn rasijskich rubloŭ (kala 16,2 młn biełaruskich), a raboty buduć pravodzicca na 11 abjektach krepaści. Na dziesiaci buduć zroblenyja budaŭničyja i restaŭracyjnyja raboty, u jašče adnaho — status «muziejefikacyja».
«Adroźnieńnie novaha prajekta ŭ tym, što ŭ biudžecie zakładzienyja kapitalnyja i ramontna-adnaŭlenčyja raboty na vielizarnych płoščach krepaści, niekatoryja ź jakich nie ramantavalisia na praciahu 50 hadoŭ», — piša vydańnie sa spasyłkaj na dyrektara miemaryjalnaha kompleksu Alaksandra Karkatadze.
Tak, płanujecca adrestaŭravać uvieś zachodni bok Cytadeli, uklučajučy paŭdniova-zachodniuju kazarmu, pamiaškańni paŭdniovaj kazarmy. Adrestaŭrujuć ruiny ŭ paŭnočnaj častcy Cytadeli i kala Muzieja abarony, hałoŭny manumient «Mužnaść», hałoŭny ŭvachod «Zorka», parachavy sklep № 1 Kobrynskaha ŭmacavańnia i inšyja abjekty.
Što tyčycca abjekta, jaki ŭ prajekcie vystupaje pad hryfam «muziejefikacyja», to heta stvareńnie ŭ paŭnočna-zachodniaj častcy Cytadeli skulpturnaj kampazicyi «Smutak» u vobrazie žančyny, jakaja straciła na vajnie svaich rodnych i blizkich.
Nazvanyja try samyja papularnyja muziei Biełarusi — usie jany źviazany z vajnoj
Rasija ŭniesła ŭ papiaredni śpis JUNIESKA Bresckuju krepaść. Ale čamu Rasija?
Prarasijskija aktyvisty bjuć tryvohu: u Bresckaj krepaści zamazali saviecki nadpis «zdieś rabotał Pavłov»
U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia
Padletki skrali skryniu marožanaha z Bresckaj krepaści
Kasmanaŭt Aleh Navicki pryjechaŭ u Bresckuju krepaść u Z-majcy FOTA
Kamientary