Adzinaje aŭtastrachavańnie pamiž Biełaruśsiu i Rasijaj zapracuje z novaha hoda
Adzinaja sistema aŭtastrachavańnia zapracuje ŭ «Sajuznaj dziaržavie» z 1 studzienia 2025 hoda, piša BiełTA. Hetaja data vyznačana ŭ źmienach u zakon «Ab abaviazkovym strachavańni hramadzianskaj adkaznaści (ASAHA) uładalnikaŭ transpartnych srodkaŭ», pryniatych 27 listapada rasijskim Savietam Fiederacyi.
Zhodna z dakumientam, pravam na zaklučeńnie damovy ASAHA ŭ ramkach hetaj sistemy strachavańnia mohuć nadzialacca vyklučna strachavalniki ź miescam pastajannaha znachodžańnia ŭ Rasii ci Biełarusi. Sam aŭtamabil pavinien być zarehistravany na terytoryi Rasii ci Biełarusi.
Miarkujecca, što adzinaja sistema sprościć žyćcio kiroŭcam, jakija časta pierasiakajuć miažu Biełarusi i Rasii. Jaje sutnaść u tym, što kiroŭca, afarmlajučy polis ASAHA ŭ Rasii, zmoža ŭklučyć u jaho dadatkovaje pahadnieńnie, jakoje dazvalaje dziejańniu polisa raspaŭsiudžvacca i na terytoryju Biełarusi. Anałahičny miechanizm budzie dastupny i dla biełaruskich aŭtaŭładalnikaŭ.
Košt takoha pašyranaha polisa budzie raźličvacca na padstavie taryfaŭ, jakija dziejničajuć u krainie, dzie zarehistravany aŭtamabil, i ŭličvacca jak dadatkovaja ryzyka.
U vypadku DTZ kampiensacyja strat budzie vyznačacca pavodle zakanadaŭstva toj krainy, dzie adbyłosia zdareńnie. Naprykład, kali DTZ zdaryłasia ŭ Biełarusi, pakryćcio budzie raźličvacca pa biełaruskich praviłach, a samo ŭrehulavańnie arhanizujecca praź Biełaruskaje biuro pa transpartnym strachavańni. U svaju čarhu, rasijski strachoŭščyk budzie adkazvać za kampiensacyju strat u ramkach svajoj sistemy.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary