Tramp: Adziny sposab spynić vajnu — nie pakidać Ukrainu

Novaabrany prezident ZŠA Donald Tramp zapeŭniŭ, što ŭ svaich sprobach urehulavać rasijska-ŭkrainskuju vajnu jon nie admovicca ad Ukrainy. Jak piša «Jeŭrapiejskaja praŭda», pra heta paviedamlaje Time u publikacyi, pryśviečanaj pryznańniu Trampa Čałaviekam hoda.

Donald Tramp. Fota: AP Photo/Alex Brandon

Donald Tramp daŭ 65-chvilinnaje intervju, vytrymki jakoha pryvodzić Time 12 śniežnia, u kancy listapada. Adkazvajučy na pytańnie ab tym, ci admovicca jon ad Ukrainy, Tramp skazaŭ, što vykarystoŭvaje padtrymku Ukrainy z boku ZŠA jak ryčah cisku na Rasiju ŭ pieramovach ab spynieńni vajny.

«Ja chaču dasiahnuć pahadnieńnia, — skazaŭ jon, — i adziny sposab dasiahnuć pahadnieńnia — heta nie pakidać Ukrainu», — zapeŭniŭ abrany prezident ZŠA.

Vydańnie nahadvaje, što padčas pieradvybarčaj kampanii Tramp davaŭ abiacańni, što jamu, maŭlaŭ, udasca zaklučyć mirnaje pahadnieńnie pamiž Rasijaj i Ukrainaj za 24 hadziny. Ciapier jon pryznaŭ, što heta sprava kudy składaniejšaja.

«Blizki Uschod — prablema, ź jakoj lahčej spravicca, čym toje, što adbyvajecca z Rasijaj i Ukrainaj. Kolkaść zahinułych maładych sałdat, jakija lažać na palach paŭsiul, ašałamlaje. Toje, što adbyvajecca — varjactva», — zajaviŭ Tramp.

Raniej prezident Ukrainy Uładzimir Zialenski skazaŭ, što nie ŭsprymaje dasłoŭna pieradvybarčaje abiacańnie Donalda Trampa skončyć vajnu va Ukrainie «za 24 hadziny».

Kamientary da artykuła