Telefanavańnie pamiž rasijskim prezidentam i vienhierskim premjeram adbyłosia ź inicyjatyvy Vienhryi.
«Adbyŭsia hruntoŭny abmien dumkami pa ŭkrainskaj prablematycy»,— havorycca ŭ paviedamleńni Kramla. Pucin, jak zajavili ŭ Kramli, adznačyŭ, što Kijeŭ zaniaŭ «destruktyŭnuju» pazicyju, jakaja vyklučaje mahčymaść zaklučeńnia mirnaha pahadnieńnia.
«Viktar Orban vykazaŭ zacikaŭlenaść u sadziejničańni sumiesnamu pošuku šlachoŭ palityki — dypłamatyčnaha vyrašeńnia kryzisu, u tym liku z ulikam svaich kantaktaŭ z šeraham zachodnich lidaraŭ», — havorycca ŭ paviedamleńni Kramla.
Niekalki dzion tamu Viktar Orban sustrakaŭsia z abranym prezidentam ZŠA Donaldam Trampam, jaki nie raz padčas vybarčaj kampanii zajaŭlaŭ, što spynić vajnu va Ukrainie za 24 hadziny, piša Bi-bi-si.
Tramp nie tłumačyć, jak mienavita jon prapanuje skončyć vajnu, adnak zachodnija palityki i ekśpierty aścierahajucca, što jon maje namier prymusić Ukrainu da terytaryjalnych sastupak abo zamarožvańnia kanfliktu. Kijeŭ rašuča piarečyć takim prapanovam.
Vienhryja z 1 lipienia na paŭhoda stała staršynioj u Jeŭrapiejskaj radzie, i Viktar Orban na nastupny ž dzień adpraviŭsia ź niečakanym vizitam u Kijeŭ, dzie sustreŭsia z prezidentam Ukrainy Uładzimiram Zialenskim, a zatym pajechaŭ u Maskvu, Piekin i ŭ ZŠA. Kiraŭnictva ES padčas tych vizitaŭ užo zajaŭlała, što Orban, choć i źjaŭlajecca kiraŭnikom krainy, jakaja časova staršyniuje ŭ ES, usio ž nie maje paŭnamoctvaŭ pradstaŭlać Sajuz u kantaktach ź inšymi krainami.
-
Bajavy dron, jaki ŭ kancy lipienia pralacieŭ nad Vilniaj, zapuskaŭsia ź Biełarusi?
-
Rasijaninu Daniłu Bahrovu dali dzieviać hadoŭ kałonii pa spravie ab sprobie vajavać za Ukrainu
-
HUR uziaŭ adkaznaść za vybuchi pad Uładzivastokam: nazyvajuć heta pomstaj vajskoŭcam RF, jakija ŭdzielničali ŭ zabojstvach pałonnych ukraincaŭ
Da «Dnia narodnaha adzinstva» pamiłavali 25 čałaviek4
Kamientary
Celny dzień jany šukali .
Dzie u raka sraka