Zialenski kazaŭ pra biaśpieku, a Tramp — pra nieadkładnaje spynieńnie ahniu. Detali sustrečy ŭ Paryžy
Tramp, Makron i Zialenski razmaŭlali 35 chvilin biez daradcaŭ. Jany nie abmiarkoŭvali kankretnych detalaŭ bačańnia miru, ale Tramp paŭtaryŭ, što choča nieadkładnaha spynieńnia ahniu i pieramovaŭ, kab chutka spynić vajnu. Ahienctva Reuters parazmaŭlała ź piaćciu ludźmi, jakija prainfarmavanyja ab sustrečy.
Pa słovach adnoj z krynic, Tramp pavodziŭ siabie dobrazyčliva, pavažliva i adkryta i, zdajecca, byŭ nastrojeny słuchać.
U toj ža čas ni Tramp, ni nabližanyja da jaho čynoŭniki, jakija zajmajucca pytańniami Ukrainy, pakul nie dajuć dakładnaha adkazu na toje, jak mienavita jany bačać zakančeńnie vajny. Adsutničaje adkaz i pra harantyi biaśpieki dla Ukrainy jak častki ŭrehulavańnia.
Pa słovach krynicy vydańnia ŭ ofisie ŭkrainskaha prezidenta, na sustrečy ŭ Paryžy padkreślivali, što mir patrabuje harantyj i što adnaho tolki spynieńnia ahniu niedastatkova, pakolki Pucin moža parušyć jaho znoŭ, jak jon užo rabiŭ heta raniej.
Surazmoŭcy Reuters zajavili, što Tramp pakul «abdumvaje ŭsie detali».
Makron i Zialenski byli na adnoj chvali na sustrečy ŭ Paryžy, ale byli aściarožnyja, kab nie vyhladać tak, byccam jany zahaniajuć Trampa ŭ kut, raskazaŭ adzin čynoŭnik.
Pa słovach ukrainskich krynic Reuters, Zialenski ličyć, što na mižnarodnaj arenie Pucin baicca tolki Trampa i, mahčyma, Kitaja, i što luby praciahły mir zapatrabuje ad Vašynhtona być «pa-sapraŭdnamu mocnym».
Jašče adzin čynoŭnik paviedamiŭ, što Makron i Zialenski tłumačyli Trampu, što Pucin u 2024 hodzie — nie toj, što byŭ u 2017 hodzie, kali Tramp mieŭ ź im spravu.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary