Abrany prezident ZŠA Donald Tramp zaprasiŭ kiraŭnika Kitaja Si Czińpina na svaju inaŭhuracyju 20 studzienia. Kali kitajski lidar prymie zaprašeńnie, heta stanie pieršym vypadkam u historyi ZŠA, kali zamiežny lidar budzie prysutničać na cyrymonii pieradačy ŭłady, piša CBS News.
Pavodle paviedamleńniaŭ, Tramp źviarnuŭsia da Si Czińpina z zaprašeńniem u pačatku listapada, nieŭzabavie paśla vybaraŭ, adnak nieviadoma, ci pryniaŭ jaho Si.
Kamanda Trampa taksama razhladaje mahčymaść zaprasić inšych vysokapastaŭlenych čynoŭnikaŭ, u pryvatnaści premjer-ministra Vienhryi Viktara Orbana, jaki padtrymlivaje siabroŭskija adnosiny z novaabranym prezidentam.
Na inaŭhuracyi zvyčajna zaprašajuć pasłoŭ i inšych dypłamataŭ, ale zapisy Dziaržaŭnaha departamienta, datavanyja 1874 hodam, pakazvajuć, što zamiežnyja lidary nikoli nie prysutničali na cyrymonii pieradačy ŭłady.
Zaprašeńnie kitajskaha lidara adbyvajecca na fonie napružanych adnosin pamiž ZŠA i Kitajem. Tramp pryhraziŭ uvieści dadatkovyja myty na ŭvieś impart z Kitaja.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary