Zapracavaŭ markietpłejs dla biełaruskich tavaraŭ — na rodnaj movie
Na płatformie «Kamaroŭka» pakul raźmieščany 22 tavary — u asnoŭnym knihi.
Skryn z sajta kamarouka.com
Markietpłejs nazyvajecca KAMAROŬKA. Na sajcie možna nabyvać tavary biełaruskich pryvatnych pradpryjemstvaŭ, zarehistravanych jak za miažoj, tak i ŭ Biełarusi. U markietpłejsa niama svajho składu. Pradaviec sam pavinien adpravić tavar pakupniku.
«Raźmiaščeńnie abjaŭ biaspłatnaje, — kaža adzin sa stvaralnikaŭ Źmicier Zavadski. Jon žyvie ŭ Hiermanii. — Sajt spahaniaje kamisiju z kožnaha paśpiachovaha prodažu ad 5 da 15% u zaležnaści ad katehoryi tavaru».
Na płatformie pakul raźmieščana ŭsiaho 22 tavary. 20 ź ich — knihi, a jašče adna karcina i adna padvieska. Ale stvaralniki płanujuć, što pakupnik u budučym zmoža tut nabyvać i biełaruskaje adzieńnie, i meblu, i kaśmietyku, i šmat što inšaje. Źmicier ciapier pracuje nad tym, kab pryciahnuć bolš pradaŭcoŭ.
Interfejs — na biełaruskaj movie.
Nad płatformaj pracavali try hady, Źmitru dapamahali vałanciory.
«My sprabavali atrymać jakoje-niebudź finansavańnie, ale, na žal, naš prajekt nie vybrali. Usio rabiłasia za minimalnyja srodki», — padsumoŭvaje Źmicier.
Čytajcie taksama:
«Biełpošta» źbirajecca stvaryć kankurenta Wildberries
Lhotny kredyt na biełaruskija tavary buduć vydavać pa novych praviłach
Biełaruskija vytvorcy vychodziać na markietpłejsy z-pad pałki