U 2025 hodzie płanujecca stvaryć nacyjanalny markietplejs.
Dyrektar «Biełpošty» Śviatłana Jurkievič raspaviała pra płany adkryć Biełaruski nacyjanalny markietplejs. Zapuścić jaho płanujecca ŭ 2025 hodzie, piša BiełTA.
«Razumiejem, što ciapier i hramadstva, i ŭsie paštovyja apieratary nacelenyja na elektronnuju kamiercyju. Heta pierśpiektyŭny kirunak. Staić zadača stvaryć u 2025 hodzie Nacyjanalny markietplejs na infrastruktury «Biełpošty», — adznačyła Jurkievič.
Dla stvareńnia markietplejsa ŭtvaryli cełuju rabočuju hrupu z udziełam čynoŭnikaŭ z MARH, MPZ, pradstaŭnikoŭ «Biellehprama» i inšych chołdynhaŭ. Płanujecca, što na markietplejs zojduć biełaruskija vytvorcy z roznych halin ekanomiki.
Jak patłumačyła Jurkievič, «Biełpošta» maje razhalinavanuju sietku abjektaŭ paštovaj suviazi (bolš za 2,8 tys.), i praź ich žycharam — nie tolki bujnych haradoŭ, ale i sielskich nasielenych punktaŭ — zmohuć atrymlivać tavary.
A internet-krama «Biełpošta» adkrytaja dla zakazaŭ u 49 dziaržavach. Zaraz na biełaruskim rynku dziejničajuć dva papularnyja bujnyja rasijskija martkieplejsy — Wildberries i Ozon.
Kamientary